“விசேட வட்டியை இன்னும் வழங்கவில்லை”

ஓய்வூதியர்கள், முதியோர்களுக்கான 15 சதவீத விசேட வட்டி வீதத்தைப் பெற்றுக்கொடுப்பதாக அரசாங்கம் பல தடவைகள் தெரிவித்திருந்தபோதும் இதுவரை அதனை வழங்கத் தவறிவிட்டதென எதிர்க்கட்சித் தலைவர் சஜித் பிரேமதாச குற்றஞ்சாட்டியுள்ளார்.

பாராளுமன்றத்தில் செவ்வாய்க்கிழமை (06) விசேட கூற்றை முன்வைத்தே இவ்வாறு குற்றம்சாட்டிய அவர் மேலும் பேசுகையில், ஓய்வூதியர்கள் முதியோர்களுக்கு வழங்கப்பட்டுவந்த 15 சதவீத விசேட வட்டி வீதத்தைக் குறைத்து அதனை 7.15 சதவீதம் வழங்க அரசு நடவடிக்கை எடுத்திருந்தது. 2016இல் இருந்து 2020வரை இதனைச் செயற்படுத்துவதாகவும் அரசாங்கம் தெரிவித்திருந்தது. இருந்தபோதும் இந்த வட்டி வீதத்தை மீண்டும் 15சத வீதமாக அதிகரித்துக்கொடுக்க அரசாங்கம் தவறி இருக்கிறது.