வடக்கு – கிழக்கு உட்பட ஆளுநர்கள் ஐவர் சொத்து விவரங்களை அறிவிக்கவில்லை

நாட்டில் உள்ள ஒன்பது மாகாண ஆளுநர்களில் நான்கு ஆளுநர்கள் மாத்திரமே இதுவரை இலஞ்சம் அல்லது ஊழல் பற்றிய சார்த்துதல்களை புலனாய்வு செய்வதற்கான ஆணைக்குழுவிடம் தமது சொத்துக்கள் மற்றும் பொறுப்புகளை அறிவித்துள்ளனர்.

குறித்த ஆணைக்குழுவின் உத்தியேகப்பூர்வ இணையத்தள தகவலின்படி, ஐந்து ஆளுநர்கள் இதுவரை தங்கள் சொத்து மற்றும் பொறுப்பு பற்றிய அறிக்கைகளை வழங்கவில்லை.

இதற்கமைய, ஊவா மாகாண ஆளுநர் ஏ.ஜே.எம். முஸம்மில், மத்திய மாகாண ஆளுநர் லலித் யு. கமகே, வட மத்திய மாகாண ஆளுநர் மஹீபால ஹேரத் மற்றும் தென் மாகாண ஆளுநர் லக்ஷ்மன் யாப்பா அபேவர்தன ஆகியோர் தமது சொத்து மற்றும் பொறுப்புத் தகவல்களை வெளிப்படுத்தி உள்ளனர்.