90,607 வாக்காளர்கள்"

எதிர்வரும் ஜனாதிபதித் தேர்தலின் போது, இம்முறை மன்னார் மாவட்டத்தில் 90 ஆயிரத்து 607 வாக்காளர்கள் வாக்களிக்கத் தகுதி பெற்றுள்ளதாக மன்னார் மாவட்ட தேர்தல் தெரிவத்தாட்சி அலுவவர் கனக சபாபதி கனகேஸ்வரன் தெரிவித்தார்.

- எஸ்.ஆர்.லெம்பேட்

மன்னார் மாவட்டச் செயலகத்தில் திங்கட்கிழமை (16) இடம்பெற்ற ஊடக சந்திப்பின்போதே அவர் இவ்வாறு குறிப்பிட்டார்.

மேலும் அவர் தெரிவிக்கையில்,

எதிர்வரும் 21ஆம் திகதி இடம் பெற உள்ள ஜனாதிபதித் தேர்தலின் போது, வன்னி தேர்தல் தொகுதி, மண்ணார் மாவட்டத்தில் தேர்தல் நடவடிக்கைகளுக்கான சகல ஏற்பாடுகளும் முன்னெடுக்கப்பட்டுள்ளது.