சிறுகக் கட்டிப் பெருக வாழ்

நாம் கடைத்தெருவிற்கு செல்கின்ற பொழுது எம்மால் பல்வேறு விதமான உணவு பட்சணங்களையும், நவீனமயமான மின்சார உபகரணங்களையும், வீட்டுத் தளபாடங்களையும் வியாபார நிறுவனங்களில் காணக் கூடியதாகவுள்ளது.

- பெரியசாமிப்பிள்ளை செல்வராஜ்‌ முன்னாள்‌ ராஜதந்திரி

இந்த நிறுவனங்கள் வாடிக்கையாளர்களைக் சுவரக்கூடிய விதத்தில் மிகவும் அழகாகவும்.

நேர்த்தியாகவும் இவைகளை விற்பனைக்காக அடுக்கி வைக்கின்றன இதனால் ஈர்க்கப்பட்ட மக்கள், இப் பொருட்களை வாங்கும் முள் ஒரு கணம் சிந்தித்துப் பார்ப்பது அவசியம்.

இவைகள் எல்லாம் இல்லாமல் எம்மால் வாழ முடியுமா. இவைகள் எமக்கு அத்தியாவசியமானவையா என்று சிந்திப்பது அவசியம்.

எம்மில் பெரும்பாலானவர்கள் தமது வீட்டிற்கு வரும் விருந்தினர்களைக் கவர்வதற்காகவும், மற்றவர்கள் முன்னிலையில் தாம் ஆடம்பரமாக வாழ்வதாக காட்டிக் கொள்வதற்காகவும், இவ்வாறானப் பொருட்களைக் கொள்வனவு செய்யக் கூடும்.

பிறரின் முன் அந்தஸ்து ரீதியாக உயர்ந்த இடத்தில் இருப்பதாக காட்டிக் கொள்வதற்காகவும் ஆடம்பரப் பொருட்களை நுகர்ச்சி செய்கின்றார்கள்.

இதனால் வருமானத்தை விட மேலதிகமான செல்வினை செய்து, தொடர்ச்சியாக தனது காலத்தைக் கடனிலும், வட்டியிலும் கழிக்க வேண்டிய சூழ்நிலைக்கு ஆளாகின்றனர்.

கொரோனா தொற்று நோயைத் தொடர்ந்து வந்த காலகட்டத்திலிருந்து பொருட்களின் விலைகள் ஒவ்வொரு நாளும் அதிகரித்த வண்ணம் காணப்படுகின்றன.

இந்நிலைமைகளில் எமக்கு மிகவும் அத்தியாவசியமான பொருட்களை மாத்திரம் வாங்குவது புத்திசாலித்தனம் ஆகும்.

அத்தியாவசியமற்றப் பொருட்களை நுகர்வதில் இருந்து, முடிந்தளவு விலகி இருப்பது நல்லது.

இன்றைய கால கட்டத்தில் சேமிப்பு மிகவும் அவசியமானதாகும்.

நாம் சிறுவர்களாக இருந்த காலகட்டங்களில் எமது பெற்றோர்கள் எங்களுக்கு உண்டியலை வாங்கிக் கொடுத்தார்கள்.

வீட்டிற்கு வரும் விருந்தினர்கள் கொடுக்கின்ற காசு அல்லது வேறு விதமாக வருகின்ற காசையும் நாங்கள் அந்த உண்டியலில் சேமிப்பது வழக்கமாக இருந்தது.