"ஜனாதிபதி மீது மக்கள் நம்பிக்கை இழந்துள்ளனர்"

ஜனாதிபதி வேட்பாளர் அனுரகுமார் திசாநாயக்க கூறியதையும், அவர் என்ன செய்கிறார் என்பதையும் மக்கள் ஒப்பிட்டுப் பார்க்கின்றனர்.

அத்தியாவசிய உணவுப் பொருட்களின் விலைகளைக் குறைப்பேன் என அவர் கூறினாலும், இன்று அவரால் அரிசியைக் கூட முறையாக வழங்க முடியவில்லை. தேங்காய்களுக்குக் கூட வரிசைகளும் காணப்படுவதாக ஐக்கிய மக்கள் சக்தியின் தலைவர் சஜித் பிரேமதாச தெரிவித்தார்.

ஜனாதிபதிக்குக் காணப்படும் நிறைவேற்று அதிகாரங்களைப் பயன்படுத்தி குறைந்தபட்ச விலையை நிர்ணயிக்க முடியும். ஆனால், அவர் அவ்வாறு செய்யவில்லை. எரிபொருள் விலை, மின்சாரக் கட்டணம், வரிகள் குறைப்போம் என்றும் தெரிவித்தார். ஆனால், அவை எதுவும் நடக்கவில்லை என்றும் குறிப்பிட்டார்.

கோட்டை, ஒபேசேகரபுர தொகுதி மக்களுடனான சந்திப்பொன்று, ஐக்கிய மக்கள் சக்தியின் கொழும்பு மாவட்ட வேட்பாளர் கலாநிதி ஹர்ஷ டி சில்வாவின் ஏற்பாட்டில், திங்கட்கிழமை (04) நடைபெற்றது. அதில் கலந்துகொண்டு உரையாற்றும் போதே மேற்கண்டவாறு தெரிவித்தார்.