ஐக்கிய மக்கள் சக்தி மாத்திரமே “மக்களுக்கு இருக்கும் ஒரே தீர்வு”

தற்போதைய ஜனாதிபதி, ஜனாதிபதித் தேர்தல் மேடையில் இருந்து இந்த நாட்டு மக்களுக்குப் பல எதிர்பார்ப்புகளை வழங்கியிருந்தாலும், அது எதையும் அவரால் இன்று சாதிக்க முடியாது போயுள்ளது.

முன்னாள் ஜனாதிபதி சுமத்தியுள்ள கட்டுப்பாடற்ற வரிச் சுமையை ஜனாதிபதியானதுடன் உடனடியாக நீக்குவேன் என தெரிவித்திருந்தார். அதை அவரால் நிறைவேற்ற முடியாது போயுள்ளது என்று ஐக்கிய மக்கள் சக்தியின் தலைவர் சஜித் பிரேமதாச தெரிவித்தார்.

அவர் சர்வதேச நாணய நிதியத்துடன் இரண்டு தடவைகள் ஜனாதிபதி கலந்துரையாடினார், ஆனாலும் அந்த கலந்துரையாடல்கள் மூலம் நாட்டிற்கு சாதகமான முன்னேற்றம் எட்டப்படவில்லை. வரிகளைக் குறைக்கும் நிபந்தனையைச் சர்வதேச நாணயம் நிதியம் மறுத்துள்ளது என்றும் சஜித் பிரேமதாச குறிப்பிட்டார்.