ஜனாஸா எரிக்கும் போது வாப்பா எங்கு இருந்தீங்க

ஜனாஸாக்களை எரிக்கும் போது, நீங்கள் எங்கு வாப்பா இருந்திங்கள், என்று அதாவுல்லாஹ்விடம் கேள்வியெழுப்பியுள்ள 'வி ஆ வண்'( WE ARE ONE ) அமைப்பின் இணைப்பாளர் முகம்மட் ரஸ்மின், உங்களுடைய பாடல், கேலி, கிண்டல் எல்லாம், மக்களிடம் எடுபடாது. நீங்கள், கோட்டாபயவுக்கு கூஜா தூக்குவதற்கு மட்டுமே சரியான ஆள் என்றும் தெரிவித்துள்ளார்.

- பாறுக் ஷிஹான்

உங்கள் காமெடியை நாங்கள் ரசிக்கின்றோம் அதில் மாற்றுக்கருத்து இல்லை. ஆனால் ஜனாஸா எரிக்கின்ற போது நீங்கள் எங்கே இருந்தீர்கள். சீலை கட்டிய போராட்டம் எதுக்கு நடந்தது என்று உங்களுக்குத் தெரியுமா? அது உங்களுக்கு கிண்டலா? ஜனாஸாவை எரித்தது உங்களுக்கு கேலியா? என்றும் கேட்டுள்ளார். அம்பாறை ஊடக மையத்தில் வியாழக்கிழமை (07) நடைபெற்ற ஊடகவியலாளர் சந்திப்பில் கலந்துகொண்டு கருத்துரைத்த போதே, மேற்கண்டவாறு குறிப்பிட்டுள்ளார். மேலும், கடந்த சில நாட்களாகத் தேர்தல் மேடைகளில் வேட்பாளர் ஏ.எல்.எம்.அதாவுல்லாஹ் பேசுகின்ற வார்த்தைகள் எம்மால் கேட்க முடிகின்றது.

20ஆவது அரசியல் சீர்திருத்தத்திற்கு கை நீட்டியதன் காரணமாக ஜனாசா எரிக்கப்பட்டது என்று மக்கள் கதைக்கின்றார்கள். ஆனால் அது ஒரு மாபெரும் சட்டம் அதை இவ்விடத்தில் சொல்ல முடியுமா? அதைப் பற்றி மக்களுக்குத் தெரியுமா? என வேட்பாளர் அதாவுல்லாஹ் கேலியாக கேட்கிறார்.