பொது மக்களின் வினைத்திறனான பங்களிப்புடன் மாத்திரமே "வெற்றியடைய முடியும்”

தூய்மையான இலங்கை' திட்டத்தை ஆரம்பித்து வைத்து ஜனாதிபதி உரை

பொ து மக்களின் வினைத்திறனான பங்களிப்புடன் மாத்திரமே தூய்மையான இலங்கை வேலைத்திட்டம் வெற்றியடைய முடியும் என ஜனாதிபதி அனுரகுமார திசாநாயக்க தெரிவித்தார்.

ஜனாதிபதி அலுவலகத்தில் இருந்து "தூய்மையான இலங்கை” வேலைத்திட்டம் 2025 ஜனவரி 1ஆம் திகதி புதன்கிழமை ஆரம்பித்து வைக்கப்பட்டது. அதில் கலந்துகொண்டு உரையாற்றும் போதே மேற்கண்டவாறு குறிபிட்டார்.

சகல அரச நிறுவனங்களிலும் "க்ளீன் ம்ரீலங்கா” (தூய்மையான இலங்கை) தேசிய வேலைத்திட்டத்துடன் உத்தியோகபூர்வ செயற்பாடுகள் ஆரம்பிக்கப்பட்டன.

பிரதான வைபவத்தில் தொடர்ந்து உரையாற்றிய ஜனாதிபதி, 2024 முடிந்து 2025க்குள் அடியெடுத்து வைக்கும் போது, அது ஒரு புதிய ஆண்டின் தொடக்கம் மற்றும் ஒரு புதிய ஆண்டின் விடியலைக் குறிக்கிறது என்று நாங்கள் நம்புகிறோம்.

ஆனால் பல தசாப்தங்களாக எமது நாட்டில் இவ்வாறான வருடங்கள் இருந்தும் நல்ல விடயங்களுக்காக எம்மை புதுப்பித்துக் கொள்வதில் நாம் வெற்றி பெற்றுள்ளோமா என்ற கேள்வியை நாம் எதிர்நோக்குகின்றோம்.

வருடா வருடம், நல்ல விடயங்களுக்காகப் புதுப்பித்துக் கொண்டு முன்னேறிச் சென்றோமா அல்லது கெட்ட விடயங்களுக்காகப் புதுப்பித்துக்கொண்டு கடந்த காலத்திற்குச் சென்றோமா? என்ற கேள்வியை நாம் எதிர்கொண்டுள்ளோம். எனவே, இந்தப் புத்தாண்டில் நமது நாட்டை மாற்றியமைக்க உறுதியான உறுதியுடன் இருக்கிறோம்.

அந்த சவாலும் பொறுப்பும் எங்களிடம் உள்ளது.