யானையிடமிருந்து தப்பிக்க ஆற்றில் குதித்தவர் மரணம்

யானையின் தாக்குதலில் இருந்து உயிரைக் காப்பாற்றிக்கொள்வதற்காக ஆற்றில் குதித்த குடும்பஸ்தர் ஒருவர் நீரில் மூழ்கி உயிரிழந்த சம்பவம் ஒன்று மட்டக்களப்பில் ஞாயிற்றுக்கிழமை (05) மாலை இடம்பெற்றுள்ளது.

இச்சம்பவத்தில் மட்டக்களப்பு- மயில வெட்டுவான் உப்போடை வீதியைச் சேர்ந்த 50 வயதுடைய ஆறு பிள்ளைகளின் தந்தையான கணபதிப்பிள்ளை கருணாகரன் என்பவரே உயிரிழந்துள்ளார்.

சம்பவ தினத்தன்று காலை தனது 14 வயதுடைய மகனுடன் விறகு வெட்டுவதற்காக தோணியில் விரகட்டுமுனை பகுதிக்குச் சென்று விறகு வெட்டி வரும் வழியில், காட்டு யானை துரத்தியுள்ளது. யானை தாக்குதலுக்கு பயந்து தந்தையும் மகனும் ஆற்றில் பாய்ந்துள்ளனர். மகன் நீந்தி ஆற்றை கடந்த நிலையில், தந்தை ஆற்றில் நீர் அடித்துச் செல்லப்பட்டுள்ளார்.