சா/த விடைத்தாள் வேனை மறித்த ஓட்டோ

தற்போது நடைபெற்றுக் கொண்டிருக்கும் கல்விப் பொதுத் தராதர சாதாரண பரீட்சையில், செவ்வாய்க்கிழமை (18) அன்று நடைபெற்ற பரீட்சைக்கான விடைத் தாள்களை ஏற்றி வந்த வேனை, முச்சக்கரவண்டியொன்று மறித்துள்ளது.

- ரஞ்சித் ராஜபக்ஷ

ஹட்டன் -புளியாவத்தை பகுதியிலேயே இடம்பெற்றுள்ள இச்சம்பவத்தில், குறித்த முச்சக்கரவண்டியின் சாரதி, அந்த வேனில் பயணித்த, அதிகாரிகளையும் திட்டியுள்ளார்.

ஹட்டன்,ஸ்ரீ பாத வித்தியாலயத்தில் உள்ள பரீட்சை ஒருங்கிணைப்பு நிலையத்திற்கு க. பொ.த சாதாரண தரப் பரீட்சை விடைத்தாள்களை ஏற்றிச் சென்ற வேன், முச்சக்கரவண்டியுடன் மோதியதாகவும், முச்சக்கர வண்டி ஓட்டுநர் வேனில் பயணித்த பரீட்சை நிலையத்தின் கண்காணிப்பாளர் மற்றும் துணை கண்காணிப்பாளரைத் திட்டியுள்ளார். இந்த சம்பவம் தொடர்பில் நோர்வூட் பொலிஸார் விசாரணைகளை ஆரம்பித்துள்ளனர்.