மு.காவுடன் "திரைமறைவில் ஒப்பந்தம் இல்லை”

ஸ்ரீலங்கா முஸ்லிம் காங்கிரஸூடன் எந்தவித ஒப்பந்தங்களும் திரைமறைவு நடவடிக்கைகளும் மேற்கொள்ளப்படவில்லை என இலங்கைத் தமிழரசுக் கட்சியின் மட்டக்களப்பு மாவட்ட பாராளுமன்ற உறுப்பினர் இளையதம்பி சிறிநாத் தெரிவித்துள்ளார்.

- வ.சக்தி

தமிழரசுக் கட்சிக்கு அளிக்கப்படும் வாக்குகள் முஸ்லிம் காங்கிரஸ் கட்சி ஆட்சி அமைப்பதற்கு வழங்கப்படும் என வதந்திகள் கூறப்படுகின்றன. இது தொடர்பில் பாராளுமன்ற உறுப்பினர் ரவூப் ஹக்கீம் கூட சில கருத்துக்களைத் தெரிவித்து இருக்கிறார். இது உண்மையற்ற விடயமாகும் என்றார்.

நாங்கள் தனித்து நின்று போட்டியிடுவது என்றும் விரும்பினால் தமிழ்த் தேசியத்தை நேசிக்கும் கட்சிகள் இணைந்து பயணிக்கலாம் என்றும் மத்தியக் குழுக் கூட்டத்தில் முடிவெடுத்திருந்தோம். அதற்கு அப்பால் ஆட்சி அமைப்பதற்குத் தமிழ்த் தேசிய கட்சிகள் இணைந்து கொள்ளலாம் எனவும் நாங்கள் முடிவெடுத்திருந்தோமே தவிர எந்தவிதமான ஒப்பந்தங்களும் எந்த விதமான திரைமறைவு நடவடிக்கைகளும் மேற்கொள்ளப்பட வில்லை என்றார்.