મુદાઓથી ધ્યાન ભટકાવવા માટે UCCની ગુગલી ફેંકાઈઃ પાયલટ

કોંગ્રેસના વરિષ્ઠ નેતાના કેન્દ્રની ભાજપ સરકાર પર પ્રહારો

દેશમાં યુનિફોર્મ સિવિલ કોડ(યુસીસી) અંગે શરૂ થયેલી ચર્ચા વચ્ચે કોંગ્રેસના વરિષ્ઠ નેતા સચિન પાયલટે કહ્યું કે કોઈ નક્કર પ્રસ્તાવ વિના યુસીસી પર વાત કરવી એ હવામાં તીર ચલાવવા જેવું છે અને સરકારે લોકોના મુદ્દાથી ધ્યાન ભટકાવવા માટે આ ગુગલી ફેંકી છે.

સચિન પાયલટે આક્ષેપ મુક્યો છે કે સરકાર યુસીસીને લઈને હજુ સુધી કોઈ ડ્રાફ્ટ કે બ્લ્યૂપ્રિન્ટ લઈને આવી નથી, પરંતુ ભાજપ સરકાર તેનો રાજકીય ટૂલ તરીકે ઉપયોગ કરી રહી છે.