રખડતાં ઢોરની સમસ્યા ઘટી છતાં 25 બોડી વોર્ન કેમેરા ખરીદવા વિવાદાસ્પદ નિર્ણય

નરોડામાં ખારીકટ કેનાલ પાસે અઢી કરોડના ખર્ચે ટેમ્પરરી ઢોરવાડો બનાવવામાં આવશે

અમદાવાદ શહેરભરમાંથી જાહેર માર્ગો ઉપર રખડતાં ઢોરની સમસ્યા મહદઅંશે અંકુશમાં આવી ગઇ છે તેમ છતાં મ્યુનિ. સત્તાધીશોએ રખડતાં ઢોર પકડતી ટીમ માટે ૨૫ નંગ બોડી વોર્ન કેમેરા ખરીદવા નો વિવાદાસ્પદ નિર્ણય લીધો છે.

મ્યુનિ. સૂત્રોનાં જણાવ્યા અનુસાર, શહેરમાં રખડતાં ઢોરની સમસ્યાને હાઇકોર્ટે ગંભીરતાથી લઇ રાજ્ય સરકાર અને મ્યુનિ.તંત્રની ઝાટકણી કાઢી ત્યારબાદ રાજ્ય સરકારે નવી પોલીસી બનાવી અને તેના આધારે મ્યુનિ.એ કડક કાર્યવાહી કરી હજારો ઢોર પાંજરે પૂરી દીધા હતા. તેમજ પોલીસી અંતર્ગત લાયસન્સ રજીસ્ટ્રેશન વગરનાં ઢોર પણ પકડવાની કાર્યવાહી કરતાં માલધારીઓએ તેમનાં ઢોર ગામડે મોકલી દીધા છે.