અમેરિકામાં પ્રેસિડન્ટની ચૂંટણી લડવા જો બાઇડનના પક્ષે $15.5 કરોડ ભેગા કર્યા

ચૂંટણીભંડોળ મેળવવામાં પોતાના કટ્ટર હરીફ ટ્રમ્પને પાછળ છોડ્યાં

અમેરિકામાં 2024ના અંત ભાગમાં યોજનારી પ્રેસિડન્ટની ચૂંટણી માટે પ્રેસિડન્ટ જો બાઇડનની પ્રચાર ઝુંબેશ ટીમે 15.5 કરોડ ડોલરની રોકડ રકમ એકઠી કરી છે, જે તેમના રિપબ્લિકન પ્રતિસ્પર્ધી ડોનાલ્ડ ટ્રમ્પના હાથમાં રહેલી કુલ રકમ કરતાં ઘણી વધારે છે. એકલા બાઇડને ગયા 5.3 કરોડ ડોલર એકત્ર કર્યા હતાં, જે ઝુંબેશ શરૂ થયા પછી એક મહિનામાં સૌથી વધુ ભંડોળ એકત્રીકરણ હતું, એમ કેમ્પેઇન અધિકારીઓએ જણાવ્યું હતું.