પીએમ મોદીની સુરક્ષામાં તૈનાત ત્રણ ડીઝલ કારનું રજિસ્ટ્રેશન નહીં લંબાવાય

એસપીજીએ કરેલી રજિસ્ટ્રેશન લંબાવવાની માગ એનજીટીએ ફગાવી દિલ્હીમાં 10 વર્ષથી જૂના ડીઝલ વાહનો પર પ્રતિબંધનો હવાલો આપ્યો

નેશનલ ગ્રીન ટ્રિબ્યુનલ (એનજીટી) એ વડાપ્રધાન નરેન્દ્ર મોદીની સુરક્ષામાં તૈનાત કરાયેલી ત્રણ ડીઝલ કારનું રજિસ્ટ્રેશન લંબાવવાનો ઈનકાર કર્યો છે. વડાપ્રધાનની સલામતીના વિશેષ હેતુ માટે આ ત્રણેય કાર જરૂરી હોવાથી તેનું રજિસ્ટ્રેશન લંબાવવા સ્પેશિયલ પ્રોટેક્શન ગ્રૂપ (એસપીજી) એ એનજીટીમાં અરજી કરી હતી. જોકે ટ્રિબ્યુનલે તેની અરજી ફગાવી દીધી હતી.