દેશમાં આગામી પાંચ દિવસ અનેક રાજ્યોમાં હીટવેવની આગાહી

ગુજરાત સહિત અનેક રાજ્યોમાં જૂન સુધી હીટવેવનાદિવસો વધશેઃ હવામાન વિભાગ

દેશમાં લોકસભાની ચૂંટણી વચ્ચે ભારતીય હવામાન વિભાગે ચેતવણી જારી કરી છે. તેનું કહેવું છે કે ઉત્તર પ્રદેશ, ઝારખંડ, ઓડિશા, પશ્ચિમ બંગાળ, કર્ણાટક અને તમિલનાડુમાં આગામી પાંચ દિવસ સુધી આકરી હીટવેવ ચાલી શકે છે. મોસમ વિભાગે બિહાર સહિત છ જેટલા દરિયાઇ રાજ્યો આંધ્રપ્રદેશ, તમિલનાડુ, કર્ણાટક, ગોવા, કેરળ, પશ્ચિમ બંગાળ અને કેન્દ્રશાસિત પ્રદેશ પુડુચેરીમાં ગરમી વધવાની આગાહી કરી છે. ઝારખંડના પૂર્વી સિંહભૂમિ પાસે બહરાગોડામાં સૌથી વધુ 46 ડિગ્રી સેલ્સિયસ તાપમાન નોંધાયું હતું.