కేన్సర్ పేషెంట్లకు కొత్త సేవలు

గ్రామ స్థాయినుంచి అందుబాటులో స్క్రీనింగ్ టెస్టులు బోధనాస్పత్రిలోని పిల్లల విభాగంలో అదనపు సౌకర్యాలు : సిఎం జగన్

గ్రామ స్థాయినుంచి అందుబాటులో స్క్రీనింగ్ టెస్టులు

బోధనాస్పత్రిలోని పిల్లల విభాగంలో అదనపు సౌకర్యాలు : సిఎం జగన్

విజయవాడ, డిసెంబరు3, ప్రభాతవార్తప్రతినిధి: క్యాన్సర్ వ్యాధిగ్రస్తుల కోసం ఆంధ్రప్రదేశ్ ప్రభుత్వం పలు నూతన సేవలను ఆరోగ్యశ్రీ పరిధిలోకి తీసుకుని వచ్చింది. అత్యాధునీకంగా అందుబాటులో ఉండే విధంగా 54కు కొత్త సేవలను అందుబాటులోకి తెచ్చింది. ఆరోగ్యశ్రీ నెట్ వర్కు పరిధి ఆస్పత్రుల్లో క్యాన్సర్ వ్యాధిగ్రస్తుల పట్ల ఏ మాత్రం నిర్లక్ష్యం వహించినా సహించేది లేదని ఇప్పటికే సిఎం జగన్ అధికారులకు ఆదేశాలు జారీ చేసారు. ఆరోగ్యశ్రీ పరిధిలో క్యాన్సర్ రోగులకు అందించే సేవల పట్ల అలసత్వం వహించినా సహించేది లేదని స్పష్టం చేసారు. ఈ క్రమంలో క్యాన్సర్ వైద్యసేవలను ఆంధ్రప్రదేశ్ ప్రభుత్వం విస్తరిం చింది. ఈ పథకం పరిధిలో వైద్యసేవలను అపరిమితం చేసింది. వ్యాధిగ్రస్తులకు అవసరతలకు అనుగుణంగా వైద్యసేవలను అందించాలని నిర్ణయించింది. రాష్ట్రం లోని గ్రామీణ పరిధిలో క్యాన్సర్ రోగుల సంఖ్య ఆందోళనకరమైన పరిస్థితుల్లో ఉంది. మహిళల్లో ఎక్కువగా రొమ్ము, సర్వైకల్ క్యాన్సర్ ఎక్కువగా ఉంటున్నట్లు సమాచారం. దీంతో పాటుగా శ్వాస సంబంధమైన క్యాన్సర్ కన్పిస్తోంది. పిల్లల్లోను క్యాన్సర్ వ్యాధి లక్షణాలను గుర్తిస్తున్నారు.