గ్రామాల్లో ఇంటింటికి అన్ని వైద్య సేవలు

• విలేజి క్లినిక్ల ద్వారా వివిధ చికిత్సలు • పాముకాటు, కుక్కకాటు వ్యాక్సిన్లు సైతం లభ్యం • ఎటువంటి అనారోగ్యానికైనా చికిత్స: సిఎం జగన్

• విలేజి క్లినిక్ల ద్వారా వివిధ చికిత్సలు

• పాముకాటు, కుక్కకాటు వ్యాక్సిన్లు సైతం లభ్యం

• ఎటువంటి అనారోగ్యానికైనా చికిత్స: సిఎం జగన్

విజయవాడ, జనవరి 16, ప్రభాతవార్త ప్రతినిధి: గ్రామాల్లో ఇక ప్రతి ఇంటికి అందుబాటులో వైద్య సదుపాయాలు కల్పించే దిశలో రాష్ట్ర ప్రభుత్వం కార్యచరణను చేపట్టిందని ముఖ్యమంత్రి వైఎస్ జగన్మోహనరెడ్డి స్పష్టంచేసారు. ఆ దిశలో గ్రామీణ క్లినిక్కులు, ఆరోగ్య ఉపకేంద్రాలు అందుబాటులో ఉండే విధంగా చర్యలు తీసుకోవాలని స్పష్టం చేసారు. సకాలంలో వైద్యం అందక ఒక రోగి మరణించాడనే మాట రాకూడదనే ముఖ్యమంత్రి జగన్ అభిప్రాయాలకు అనుగుణంగా వైద్యసేవలు అందుబాటులోకి తీసుకుని వస్తున్నారు. పిహెచ్సీల నుంచి అన్ని ఆస్పత్రుల్లో పాముకాటు విషప్రభావిత నియంత్రణ వ్యాక్సిన్, ఎఆర్పీతో సహా అత్యవసర మందులు అందుబాటులో ఉంచుతున్నారు. ఇక పై ఇవి విలేజీ క్లినిక్ ను అందుబాటులో ఉంచనట్లు సమాచారం. ప్రతి గ్రామంలో రెండు కిలో మీటర్లు పరిధిలో విలేజీ క్లినిక్కులు, ఆరోగ్య ఉప(వికాస) కేంద్రాలను ఏర్పాటు చేయడంతో పాటుగా, ఆ క్లినిక్కుల్లో రోజులలో 24గంటలు సేవలు అందుబాటులో ఉండే విధంగా వైద్య ఆరోగ్యశాఖ కార్యచరణ ప్రణాళికను రూపొందించింది. ప్రతి క్లి నిక్కులో ఇద్దరు నుంచి ముగ్గురు వరకు ఎఎన్ ఎంలు, ఇద్దరు స్టాప్ నర్సులతో పాటు (వారిలో ఒకరు బిఎస్సీ నర్శింగ్ చేసినవారు), సాధారణ, సంక్లిష్ట, తరుణవ్యాధులకు అవసరమైన మందు లను అందుబాటులో ఉంచుతుంది.