సంపదా.. జ్ఞానమా !

ఈ ప్రపంచంలో మనం బాగుండాలంటే దానికి ముఖ్యంగా కావలసినవి రెండు... ఒకటి సంపద, రెండు జ్ఞానం. 

- 'యామిజాల జగదీశ్

సరే... ఈ రెండింటిలో ఏది శ్రేష్ఠమైనది? అని అడిగితే ఏం చెప్పాలి? 

ఈ ప్రశ్ననే హజ్రత్ అలీని అడిగారట.ఆయన ఓ గొప్ప జ్ఞాని. ఆయనను అడిగినవారేమీ సామాన్యులు కారు. వారూ జ్ఞానవంతులే.

ఒకరోజు హజ్రత్ అలీ వద్దకు పది మంది జ్ఞానవంతులు వచ్చారు.

" అయ్యా మేం పది మంది మీ దగ్గరకు వచ్చింది. ఓ ప్రశ్నకు జవాబు అడగడానికే. కానీ మీరు మా పది మందికీ విడివిడిగా జవాబు చెప్పగలరా?” అంటే ఆ పది మంది ఆయన దగ్గర పది రకాల జవాబులు ఆశించారన్నమాట.

హజ్రత్ అలీ "సరే అడగండి..” అన్నారు.

అప్పుడు ఆ పదిమందీ అడిగారు సంపద జ్ఞానం.. ఈ రెండింటిలో ఏది శ్రేష్ఠమైనది?" అన్నదే వారి ప్రశ్న.

హజ్రత్ అలీ ఏం చేసారో తెలుసా?

పది మందిలో ఒక్కొక్కరినీ పిలిచారు. ఒక్కొక్కరికీ ఒక్కో రకమైన జవాబు చెప్పి పంపారు.

మొదటగా ఒకరిని పిలిచి చెప్పారు.

"జ్ఞానమనేది దీర్ఘదర్శులు, జ్ఞానులు, మహాత్ములు తదితరులకు పారంపర్య ఆస్తి. కానీ సంపద ఇతరులకు ఆయుధం. అందువల్ల జ్ఞానమే శ్రేష్ఠమని” చెప్పారు.

రెండో వ్యక్తిని పిలిచారు.

"మీ దగ్గర సంపద వుంటే దానిని మీరే కాపాడుకోవాలి. కానీ జ్ఞానం మిమ్మల్ని ఎప్పుడూ కాపాడుతుంది. కనుక జ్ఞానం శ్రేష్ఠమైనది”.