క్షమాపణ ఓ సద్గుణం

ఇతరులను క్షమించడం ఓ గొప్ప గుణమేకాదు మనకు మనశ్శాంతిని తిరిగి బహుమతిగా ఇస్తుంది.

- డా|| బుర్ర మధుసూదన్రెడ్డి

ఇతరులను క్షమించడం ఓ గొప్ప గుణమేకాదు మనకు మనశ్శాంతిని తిరిగి బహుమతిగా ఇస్తుంది. ప్రేమ తుదిరూపమే క్షమాగుణం.

నన్ను నేను సంస్కరించుకునే ఉత్తమమార్గం ఇతరుల్ని క్షమించి వేయడం. మనపట్ల అనుచితంగా ప్రవర్తించిన వారిని క్షమించడం, ఎవరికైనా మనవల్ల ఇబ్బంది కలిగితే వెంటనే క్షమాపణలు అడగడం ఓ మహత్తర సద్గుణం. క్షమాపణ అనేది ఆధ్యాత్మిక, మానసిక, భావోద్వేగ, శారీరక ఆరోగ్య సాధనకు శక్తివంతమైన సాధనం.

క్షమాగుణం ప్రాధాన్యాన్ని గుర్తించి మానవసమాజం తమ జీవనశైలిని సానుకూలంగా మార్చుకోవడం, క్షమాగుణశక్తిని అవగాహనపరచడం నిరంతరం కొనసాగాలి.క్షమాగుణం ఓ దివ్యఔషధం క్షమాగుణం మనకు ఓ దివ్యఔషధంగా పని చేసి మానసిక ఒత్తిడి, భావోద్వేగ నొప్పి, దుఃఖం, గాయాల నుండి ఉపశమనం కలుగుజేస్తుంది. క్షమాగుణం ద్వారా కరుణ, దయ, ప్రేమలను బోధిస్తుంది. క్షమించి సంబంధాలను యధావిధిగా కొనసాగించవలసిన అవసరం కూడా ఏమీ ఉండదని గమనించాలి.