తగ్గుతున్నపుస్తక పఠనం

పుస్తకం చదవడం శ్వాస తీసుకోవడం లాంటిది. ఒక పుస్తకం, ఒక కలం, ఒక గురువు, ఒక బ్లాక్ బోర్డు అనేవి ప్రపంచాన్ని మార్చగలిగే మహత్తర శక్తిని కలిగి ఉంటాయి

- డా॥ బుర్ర మధుసూదన్రెడ్డి

విశ్వరహస్యాలను తెలుసుకోవడానికి, అంతరిక్ష గుట్టును విప్పడానికి, ప్రముఖుల జీవిత విశేషాలను అర్థం చేసుకోవడానికి, మనం చూడని ప్రదేశాలను అక్షరయాత్రలో వీక్షించడానికి, మానవ నాగరికత పరిణామాన్ని తెలుసుకోవ డానికి, జీవితాన్ని సుసంపన్నం చేసుకోవడానికి, లక్ష్యాలను సునాయాసంగాదించడానికి, మనలోకి మనం తొంగి చూడడానికి,చీకటిదారుల్లో వెలుతురు మార్గాన్ని ఎన్నుకోవడానికి, నీ గూర్చి నువ్వు అవగాహన పరచుకోవడానికి, మానవ జీవితాల్లో సంక్లిష్టతలను జీర్ణించుకోవడానికి, జీవిత పరమార్థాన్ని అర్థం చేసుకోవడానికి, విజ్ఞాన వివేకాలను సమపార్జించడానికి, ఊహా జగత్తులో విహరించడానికి, ఆలోచనాశక్తిని విస్త్రత పరచుకోవడానికి అందుబాటులో ఉన్న ఏకైక ఉత్తమ సాధనం పుస్తకాలను చదవగలగడమే అని చరిత్ర నిరూపించింది. పుస్తకపఠన నైపుణ్యంతో వివిధ అంశాలను అధ్యయనం చేసి తెలియని విషయపరిజ్ఞానాన్ని తెలుసుకోవడం, మానసిక వికాసదిశగా అడుగులు వేయడం, అజ్ఞాన చీకట్ల నుంచి విజ్ఞా న వెలుగుల దిశగా పయనించడమే 'పుస్తకపఠన కళ లేదా ఆర్ట్ ఆఫ్ రీడింగ్' అని అర్థం చేసుకోవాలి. మనకు వచ్చిన సందేహాలను, అర్థవంతమైన ప్రశ్నలకు చక్కటి సమాధానాలను ప్రదానం చేసేదే పుస్తకపఠన కళ అవుతుంది.

పుస్తకపఠన ప్రయోజనాలు