'సంఘ్' భావం

ఆక్రమణలతోనే అనర్థాలు

- -డాక్టర్ గిరీష్ కుమార్ సంఘీ

అధికారం అండతో ఇష్టారాజ్యంగా ఆక్రమణలు కొనసాగించి నిర్మించిన భారీ కట్టడాల వల్ల ప్రజలు మూల్యం చెల్లించుకోవా ల్సిన దుస్థితి ఏర్పడింది. ఖమ్మంలోని మున్నేరు, విజయవాడలోని బుడమేరు వాగుల ఉధృతికి భారీ నష్టం వాటిల్లింది. ఈ నష్టాన్ని పరిశీలిస్తే ఆక్రమణలు ప్రధాన కారణంగా కనిపిస్తున్నాయి. అంతే కాదు తరచూ హైదరాబాద్, వరంగల్, విజయవాడ వంటి అనేక నగరాలు ముంపునకు గురికావడానికి చెరువు కట్టలను ఇష్టా రాజ్యంగా ఆక్రమించి నీటి ప్రవాహానికి అడ్డుకట్ట వేయడమే కార ణంగా ఉంది. కేరళలో వయనాడ్ దుర్ఘటనకు కూడా ఆక్రమణలే కారణంగా నిలిచాయి. నగరాల్లో ఆక్రమణలు చేస్తే రాకపోకలకు మాత్రమే ఇబ్బందులు కలుగుతాయి. కాని నగర శివార్లలో చెరువు కట్టలను, పరివాహక ప్రాంతాలను, నదుల ఒడ్డులను ఆక్రమించి చేస్తున్న కట్టడాల వల్ల ఆయా ప్రాంతవాసులకు భారీ నష్టాన్ని కలిగిస్తాయి. పెద్దసంఖ్యలో ఆస్థి, ప్రాణ నష్టం కలుగుతోంది.హైదరాబాద్ శివారు ప్రాంతాల్లో హైడ్రా కూల్చివేతలు కొనసాగిస్తు న్న తరుణంలో రెండు తెలుగు రాష్ట్రాల్లో భారీ వర్షాలు, వరదలు సంభవించడం, ఆక్రమణ వల్ల కలుగుతున్న నష్టం ఏ స్థాయిలో ఉందో వెలుగుచూసింది. కొన్ని ప్రాంతాల్లో ఏకంగా చెరువులను మూసివేసి భవనాలు నిర్మించారు.