అపరిమితమైన కోరికలు

గోపయ్యకు చాలా పడవలు ఉండేవి. ఆ వూరి నుండి ఎటువంటి ఎగుమతులు, దిగుమతులు జరగాలన్నా గోపయ్య పడవలే ఆధారం.

- - షేక్ అబ్దుల్ హకీం జాని

గోపయ్యకు చాలా పడవలు ఉండేవి. ఆ వూరి నుండి ఎటువంటి ఎగుమతులు, దిగుమతులు జరగాలన్నా గోపయ్య పడవలే ఆధారం. ఎంత సంపాదించినా గోపయ్యకు ధనదాహం తీరలేదు. ప్రతిరోజూ దేవాలయానికి వెళ్లి తనకు అమితమైన ధనాన్ని ఇవ్వమని గోపయ్య ప్రార్థించేవాడు.

ఇంతలో ఆ ఊరిలోని దేవాలయానికి వార్షిక ఉత్సవాలు జరిపే సమయం వచ్చింది. ఈ విషయమై పూజారి గోపయ్యను కలసి మాట్లాడాడు.

''అయ్యా గోపయ్యగారూ! ప్రతి ఏడాది వార్షిక ఉత్సవాలు జరిగే తొమ్మిది రోజుల కార్యక్రమంలో అన్న ప్రసాద వితరణకు అయ్యే ఖర్చులు తమరే భరిస్తూ వచ్చారు. ఈ ఏడాది ఇప్పటివరకు మీరు ఎటువంటి ఆర్థిక సహాయం చేయలేదు. ఆవిషయమై మీతో మాట్లాడటానికి వచ్చాను' అన్నాడు పూజారి.