தாம்பரம் புத்தக நிலைய ஓராண்டு நிறைவு விழா

தாம்பரம் மாவட்ட திராவிடர் கழக தலைவர் ப.முத்தையன் நூலகம் உருவான அந்த கடினமான நிகழ்வுகளை எடுத்துக் கூறி தலைமையுரை ஆற்றினார்.

தாம்பரம்,ஜன.12- தாம்பரம் பெரியார் பகுத்தறிவு புத்தகக் கண்காட்சி மற்றும் புத்தக நிலையத்தில் தாம்பரம் புத்தக நிலையம் தொடங்கி முதலாம் ஆண்டு நிறைவு விழா மற்றும் இரண்டாம் ஆண்டு தொடக்க விழா நிகழ்ச்சி 1.1.2023 அன்று மாலை 6.30 மணியளவில் தாம்பரம் பகுத்தறிவாளர் கழக தலைவர் எஸ்.ஆர்.வெங்கடேஷ் அறிமுக உரையில், உலகத்தில் பயங்கரமான பேராயுதம் எது எனக் கேட்ட போது துப்பாக்கியிலிருந்து வெளிவரும் தோட்டாவை விட மிக பெரிய ஆயுதம் புத்தகம் தான் என்று மார்ட்டின் லூதர் கிங் கூறினார் என்றும்.

எங்கே தங்கப் போகிறீர்கள் என்று லண்டன் நண்பர்கள் கேட்ட போது நூலகத்திற்கு அருகில் எந்த இடம் உள்ளதோ அங்கே தங்குவேன் என்று கூறி நூலகத்திற்கு அருகில் தங்கியவர் அண்ணல் அம்பேத்கர் அவர்கள் என்றும் கூறி தன் தொடக்கவுரையாற்றினார்.

தாம்பரம் மாவட்ட திராவிடர் கழக தலைவர் ப.முத்தையன் நூலகம் உருவான அந்த கடினமான நிகழ்வுகளை எடுத்துக் கூறி தலைமையுரை ஆற்றினார்.

தொடர்ந்து தாம்பரம் மாவட்ட கழக செயலாளர் கோ.நாத்திகன் முன்னுரையில் கழகத்திற்கு தொண்டு செய்ய இளைஞர்கள் பங்குபெறும் வகையில் எடுத்துரைத்தார்.