നടരാജനൃത്ത രഹസ്യംതേടി

ദക്ഷിണേന്ത്യയിൽ കാണുന്ന നടരാജ വിഗ്രഹങ്ങളിൽ എല്ലാം നാട്യശാസ്ത്രവിധിപ്രകാരമുള്ള കരണങ്ങളുടെ മാതൃകകൾ കാണാവുന്നതാണ്

- ദേവദേവൻ

ശിവഭക്ത മാനസങ്ങളിൽ ഏറെ പ്രതിഷ്ഠ നേടിയിട്ടുള്ളത് അർദ്ധനാരീശ്വര ഭാവത്തിലുള്ള ഭഗവാന്റെ താണ്ഡവ നൃത്തസങ്കൽപ്പമായ നടരാജ രൂപമാണ്.

"ചിദംബര രഹസ്യം' എന്ന പഴഞ്ചൊല്ല് കേട്ടിട്ടുണ്ടോ...? തമിഴകത്ത് മിക്കവാറും പൊതുവായി പറയപ്പെടുന്ന പഴഞ്ചൊല്ലാണിത്. The top secret എന്ന് അർത്ഥം വരുന്ന ഈ വാചകത്തിന്റെ പൊരുളും നടരാജ വിഗ്രഹവും തമ്മിലുള്ള ബന്ധത്തെക്കുറിച്ച് പറയപ്പെടുന്നത് ഇങ്ങനെ: പ്രപഞ്ചത്തെക്കുറിച്ചുള്ള സർവ്വനിഗൂഢതകളും നടരാജ ശിൽപ്പത്തിലുണ്ട്. ഈ രഹസ്യങ്ങൾ ആരും അറി യാതിരിക്കാനാണ് Top Secret (ചിദംബര രഹസ്യം) എന്ന് പറയപ്പെടുന്നത്. ശിൽപസൃഷ്ടിയിലെ ഓരോ ഭാഗവും പ്രപഞ്ചസത്യവുമായി ബന്ധപ്പെട്ട് കിടക്കുന്നു.