വ്യക്തിയല്ല ടീമാണ് പ്രധാനം

 “ഫുട്ബോളിൽ എപ്പോഴും വിജയിക്കുമെന്ന് ഉറപ്പുപറയാനാകില്ല. നാലാണ്ട് കൂടുമ്പോഴത്തെ ഈ മഹോത്സവത്തിന് ഞങ്ങൾ സജ്ജരായിക്കഴിഞ്ഞു നെയ്മർ ആത്മവിശ്വാസത്തിലാണ്

കൊളംബിയയുടെ യുവാൻ സുനിഗയുടെ പിറകിൽ നിന്നുള്ള ഫൗളാണ് 2014 ലോകകപ്പിൽ നെയ്മറിന്റെ പ്രകടനം ക്വാർട്ടർ ഫൈനലിൽ അവസാനിപ്പിച്ചത്. നാല് വർഷങ്ങൾക്ക് ശേഷം റഷ്യയിൽ ലോകകപ്പിനെത്തിയപ്പോൾ നെയ്മർ അടുത്ത പരിക്കിൽ നിന്നും കരകയറുന്നതേ ഉണ്ടായിരുന്നുള്ളു. ഇത്തവണ ഖത്തറിൽ പൂർണ ആരോഗ്യവാനായി എതിരാളികൾക്ക് മേൽ അയാൾ തീയായി പെയ്തിറങ്ങുമെന്ന പ്രതീക്ഷയിലാണു ഫുട്ബോൾ ആരാധകർ. ഫ്രഞ്ച് ക്ലബ്ബ് പി.എസ്.ജി.ക്കായി കളിക്കുന്ന ബ്രസീലി യൻ താരം മിന്നുന്ന ഫോമിലുമാണ്. ഈ ഫോമിലാണ് മഞ്ഞപ്പടയുടെ ആറാം കിരീട മോഹം. ലോകകപ്പ് സ്വപ്നങ്ങളെക്കുറിച്ച് നെയ്മർ സംസാരിക്കുന്നു.

2002-ൽ ഏഷ്യയിൽ വെച്ച് നടന്ന ലോകകപ്പിലാണ് അവസാനമായി ബ്രസീൽ കിരീടം ചൂടിയത്. അതേ ഭൂഖണ്ഡം വീണ്ടും ലോകകപ്പിന് വേദിയാവുന്നു. വിജയം ആവർത്തിക്കാൻ ബ്രസീലിന് സാധിക്കുമോ?

അത് ഡിസംബറിലല്ലേ തീരുമാനമാകൂ.! ഒരു കാര്യം ഉറപ്പിച്ചു പറയാം, ടീമിലെ ഓരോ താരങ്ങളും പൂർണമായും മൈതാനത്ത് സമർപ്പിക്കാൻ തയ്യാറാണ്. ജയിക്കുക എന്ന ഉദ്ദേശത്തോടെ മാത്രമാണ് ബ്രസീൽ എല്ലാ തവണയും ഗ്രൗണ്ടിൽ ഇറങ്ങാറുള്ളൂ. അതിനു മാറ്റമൊന്നുമില്ല. പക്ഷേ ഇതൊരു ഗെയിമാണ്. എപ്പോഴും വിജയിക്കുമെന്ന് ഉറപ്പു പറയാനാകില്ല. നാലാണ്ട് കൂടുമ്പോഴത്തെ ഈ മഹോത്സവത്തിന് ഞങ്ങൾ സജ്ജരായിക്കഴിഞ്ഞു.

ക്ലബ് മത്സരങ്ങൾ തകൃതിയായി നടന്നു കൊണ്ടിരിക്കുകയാണ്. ഇതിനിടയിൽ ലോകകപ്പിന് തയ്യാറെടുക്കുക എത്രത്തോളം പ്രയാസമാണ്