അമ്പമ്പോ എംബപ്പേ

ലോകകിരീടത്തിൽ മുത്തമിടാൻ സാധിച്ചില്ലെങ്കിലും ആരാധകരുടെ കൈയടി ഏറ്റുവാങ്ങിയാണ് കിലിയൻ എംബാപ്പയുടെ മടക്കം. ഒപ്പം ഗോൾഡൻ ബൂട്ടിന്റെ അകമ്പടിയും

- ബി.കെ.രാജേഷ്

ലോകകപ്പ് ഫൈനലിന്റെ രണ്ടുനാൾ മുൻപ് മാത്രമാണ് പാരിസിനെ ലോകത്തിലെ ഏറ്റവും മികച്ച നഗരമായി ഒരു ബ്രിട്ടീഷ് ഏജൻസി പാരിസിൽ നിന്ന് വെറും തിരഞ്ഞെടുത്തത്. ഈ പന്ത്രണ്ട് കിലോമീറ്റർ ദൂരമേയുള്ളൂ ഉപഗ്രഹ നഗരമായ ബോണ്ടിയിലേയ്ക്ക് വെച്ചുപിടിച്ചാൽ കിലിയൻ എംബാപ്പേയ്ക്ക് അര മണിക്കൂർ പോലും വേണ്ട ഓടിയെത്താൻ കാരണം മണിക്കൂറിൽ മുപ്പത്തിയെട്ട് കിലോമീറ്ററാണ് എംബാപ്പെയുടെ വേഗത. അതൊരു ലോക റെക്കോഡാണ്. ഇതു പക്ഷേ, സംഭവിച്ചത് ലോകകപ്പിലല്ല. ഫ്രഞ്ച് ലീഗ് വണ്ണിലാണ്. പി.എസ്.ജിയും എ.എസ്. മൊണാക്കോയും തമ്മിലു ള്ള മത്സരത്തിൽ കിട്ടിയ പന്തുമായി എംബാപ്പെ കുതിച്ച വേഗതയാണിത്. ഈ വേഗതയിൽ മൊണാക്കോയുടെ പ്രതിരോധത്തെ നെടുകെ പിളർത്തി വല കുലുക്കുകയും ചെയ്തു എംബാപ്പെ.

ബോണ്ടിയുടെ പുത്രൻ

 എംബാപ്പെയുടെ ആദ്യ ക്ലബാണ് മൊണാക്കോ. ഈ മൊണാക്കോയിലേയ്ക്ക് ബോണ്ടിയിൽ നിന്ന് അക്ഷരാർഥത്തിൽ തന്നെ ഓടി വരികയായിരുന്നു എംബാപ്പ. കാരണം പാരീസിനെ പോലെ മിനുങ്ങിയ മുഖമുള്ള ഇടമായിരുന്നില്ല എംബാപ്പെയുടെ ബോണ്ടി. പണ്ട് കാടായിരുന്ന കാലത്ത് തന്നെ കൊള്ളക്കാരുടെയും പിടിച്ചുപറിക്കാരുടെയും കേന്ദ്രമായിരുന്നു. കാട് നാടായിട്ടും ബോണ്ടിയുടെ സ്വഭാവം മാത്രം മാറിയില്ല. അത് പാരീസിന്റെ കറുത്ത പിന്നാമ്പുറമായി തുടർന്നു. കള്ളന്മാർക്കും കൊള്ളിവെപ്പുകാർക്കും പിന്നെയുമുണ്ടായില്ല പഞ്ഞം. കിലിയൻ എംബാപ്പെ എന്ന കാമറൂൺ, അൾജീരിയ രക്തം സിരകളിൽ വഹിച്ച പയ്യൻ പന്തു തട്ടിക്കളിച്ച് വളരുന്നത് വരെ നല്ല വാർത്തകളൊന്നും തന്നെ വന്നിരുന്നില്ല ബോണ്ടിയിൽ നിന്ന്. അക്രമങ്ങളും മയക്കുമരുന്ന് വ്യാപാരവുമൊക്കെയായിരുന്നു അതിന്റെ മുഖമുദ്ര. എംബാപ്പെയ്ക്ക് ഏഴ് വയസ് മാത്രം പ്രായമുള്ളപ്പോൾ വലിയ കലാപത്തിന് വേദിയാവുക പോലും ചെയ്തു.