തിരസ്കൃതർ (ആരാധകരേ, ശാന്തരാകുവിൻ)

ലോകഫുട്ബോളിലെ പലനേട്ടങ്ങളും വെട്ടിപ്പിടിച്ച ക്രിസ്റ്റ്യാനോ റൊണാൾഡോ ലോകകപ്പ് കിരീടമെന്ന സ്വപ്നം ബാക്കിവെച്ചാണ് പടിയിറങ്ങുന്നത്. 30 പിന്നിട്ട നെയ്മറും അടുത്ത ലോകകപ്പിൽ കളിക്കുമെന്ന് ഉറപ്പില്ല

- കെ. സുരേഷ്

കപ്പുകളല്ല ഒരു കളിക്കാരന്റെ വിധി നിശ്ചയിക്കുന്നത്. പക്ഷേ കപ്പുകൾക്കും ചിലതൊക്കെ നിശ്ചയിക്കാനാകും. പ്രതിഭയിലും പ്രയത്നത്തിലും ഏറെ മുന്നിലാണെങ്കിലും കപ്പ് ഇല്ലെങ്കിൽ ചില കണക്കെടുപ്പുകളിൽ നിന്ന് താരങ്ങൾ പുറത്താകും. അങ്ങനെ പുറത്തായവരെത്ര! അല്ലെങ്കിലും, 82 വർഷം നീണ്ട ഫുട്ബോൾ ലോകകപ്പിൽ ഇതുവരെ എട്ടു രാജ്യങ്ങൾ മാത്രമേ വിജയികളായിട്ടുള്ളൂ. അതിനു പുറത്തുള്ളവരെല്ലാം കപ്പിന് പുറത്താണെന്ന നിരാശയോടെ തന്നെ കളംവിട്ടു.

നാലു ലോകകപ്പുകളിലായി 23 മത്സരങ്ങൾ കളിച്ച ഇറ്റലിയുടെ ഇതിഹാസ താരം പൗളോ മാൾഡീനിക്ക് ലോകകിരീടമില്ല. ബ്രസീലിന്റെ സീക്കോ, വടക്കൻ അയർലൻഡിന്റെ ജോർജ് ബെസ്റ്റ്, ഫ്രാൻസിന്റെ മിഷേൽ പ്ലാറ്റിനി, പോർച്ചുഗലിന്റെ യൂസേബിയോ, ലൂയിസ് ഫിഗോ, ഹംഗറിയുടെ ഫെറങ്ക് പുഷ്കാസ്, നെതർലൻഡ്സിന്റെ യൊഹാൻ ലൈഫ് തുടങ്ങി അതത് കാലത്തെ ഫുട്ബോളിനെ മോഹിപ്പിക്കുകയും പ്രകാശഭരിതമാക്കുകയും ചെയ്ത എത്രയോ പേർക്ക് ലോകകപ്പ് ജയിക്കാനായില്ല. 

ക്രിസ്റ്റ്യാനോ റൊണാൾഡോ 

CR7

ജനനം : 05-02-1985
പൊസിഷൻ : ഫോർവേഡ്
രാജ്യം : പോർച്ചുഗൽ
മത്സരം : 196
ഗോൾ 118
ക്ലബ്ബുകൾ : സ്പോർട്ടിങ്, മാഞ്ചസ്റ്റർ യുണൈറ്റഡ്, റയൽ മഡ്രിഡ്, യുവന്റസ് 

റെക്കോഡുകൾ 

അന്താരാഷ്ട്ര ഫുട്ബോളിൽ ഏറ്റവും കൂടുതൽ ഗോൾ നേടിയ താരം. 196 മത്സരങ്ങളിൽ നിന്ന് 118 ഗോൾ

അന്താരാഷ്ട്ര ഫുട്ബോളിൽ ഒരു കലണ്ടർ വർഷം ഏറ്റവും കൂടുതൽ ഗോൾ നേടിയ താരം. 2017-ൽ നേടിയത് 32 ഗോളുകൾ

അഞ്ച് ഫുട്ബോൾ ലോകകപ്പുകളിൽ ഗോൾ നേടിയ ഏക താരം

ലോകകപ്പിലെ ഏറ്റവും പ്രായം കൂടിയ ഹാട്രിക്കിനുടമ. 2018 ലോകകപ്പിൽ സ്പെയിനിനെതിരേ ഹാട്രിക് നേടു മ്പോൾ 33 വർഷവും 130 ദിവസവുമായി രുന്നു പ്രായം

അന്താരാഷ്ട്ര ഫുട്ബോളിൽ ഏറ്റവും കൂടുതൽ എതിരാളികൾക്കെതിരേ ഗോൾ നേടിയ താരം. 45 രാജ്യങ്ങൾക്കെ തിരേ ക്രിസ്റ്റ്യാനോ സ്കോർ ചെയ്തു

അന്താരാഷ്ട്ര ഫുട്ബോളിൽ ഏറ്റവും കൂടുതൽ മത്സരം കളിച്ച താരമെന്ന റെക്കോഡ്. കുവൈത്തിന്റെ ബദർ അൽ മുത്താവയ്ക്കൊപ്പം റെക്കോഡ് പങ്കിടുന്നു

യൂറോകപ്പിൽ ഏറ്റവും കൂടുതൽ ഗോളടിച്ച താരം. 25 മത്സരങ്ങളിൽ 14 തവണ സ്കോർ ചെയ്തു

അന്താരാഷ്ട്ര ഫുട്ബോളിൽ ഏറ്റവും കൂടുതൽ ഹാട്രിക് ഗോളടിച്ച താരം