അവൻ നൽകിയ കരുത്ത്

ചെറിയ പ്രതിസന്ധികളിൽപോലും തളർന്നു പോകുന്ന മനുഷ്യരുള്ള ഈ ലോകത്ത് ആ മിടുക്കൻ കാണിച്ചുതന്ന ആത്മവിശ്വാസം എത്ര വലുതാണ്

- ചിഞ്ചു ഗോപാലകൃഷ്ണൻ കെമിസ്ട്രി അധ്യാപിക ബെംഗളുരു

മനുഷ്യജീവിതത്തിൽ ഒരിക്കലെങ്കിലും മടുപ്പു തോന്നാത്തവരായി ആരും ഉണ്ടാകില്ല. എന്നാൽ ജീവിക്കാൻ പ്രേരിപ്പിക്കുന്ന കുഞ്ഞുമുഖങ്ങൾ ക്ലാസ്  മുറികളിൽ കാണാൻ കഴിയുന്ന അപൂർവ ഭാഗ്യത്തിന് ഉടമകളാണ് അധ്യാപകർ.

അധ്യാപനത്തിന്റെ ആദ്യ നാളുകളിൽ പന്ത്രണ്ടാം ക്ലാസ്സിലെ അവസാന പിരീഡിന് ശേഷം സ്റ്റാഫ് റൂമിലേക്ക് പോകുന്ന സമയത്താണ് എന്റെ ഹെഡ്മാസ്റ്റർ ഒരു സഹായം ചോദിച്ചത്. ഏഴാം ക്ലാസ്സിലെ അധ്യാപികയ്ക്ക് അപ്രതീക്ഷിതമായി വീട്ടിലേക്ക് പോകേണ്ടി വന്നതിനാൽ ഒന്ന് ആ ക്ലാസ്സിലേക്ക് പോകാമോ എന്നായിരുന്നു അദ്ദേഹത്തിന്റെ നിർദേശം. ചെറിയ കുട്ടികളാണ്, അൽപം കുറുമ്പ് കാട്ടുമെന്നും അദ്ദേഹം പറഞ്ഞു. അതൊന്നും സാരമില്ലെന്നു പറഞ്ഞ് കുട്ടികളോടുള്ള ഇഷ്ടംകൊണ്ട് ഞാൻ ഉടൻ ഏഴാം ക്ലാസ്സിലേക്ക് നീങ്ങി.