எம்.எஸ்.எஃப் (மூவி சூப்பர் ஃபேன்ஸ்) என்ற புதிய ஓடிடி தளத்தின் முதல் வெளியீடு ரிங் ரிங்'

புதிய படைப்பாளர்கள் மற்றும் குறைந்த பட்ஜெட் திரைப்படங்களை ஊக்குவிக்கும் வகையில் அகில இந்திய அளவில் தொடங்கப்பட்டுள்ள புதிய ஓடிடி தளமான எம்.எஸ்.எஃப்-பின் (மூவி சூப்பர் ஃபேன்ஸ்) முதல் பிரத்தியேக வெளியீடாக 'ரிங் ரிங்' என்ற முழு நீள நகைச்சுவை திரைப்படத்தை வெளியிடுகிறது.

இத்திரைப்படம் ஜூலை மாதம் 5-ம் தேதி முதல் ஒளிபரப்பாக உள்ளது. 

திறமைமிகுந்த புதிய மற்றும் படைப்பாளர்கள் குறைந்த பொருட்செலவில் உருவாகும் திரைப்படங்களை ஊக்குவிக்கும் நோக்கத்தில் தொழில்முனைவர் ராஜேஷ் தொழில்நுட்ப கண்ணா, தொழில்முனைவோரும் ஓடிடி தளங்களின் கைதேர்ந்தவருமான சோழங்கத்தேவர் சுதாகர் ஆகியோர் இணைந்து அகில இந்திய அளவில் முன்முயற்சியாக முதல் எம்.எஸ். எஃப் (மூவி சூப்பர் ஃபேன்ஸ்) என்ற புதிய ஓடிடி தளத்தை சமீபத்தில் தொடங்கினர்.

திருமணத்திற்குப் பிந்தைய பிரச்சினைகளை மிகவும் நகைச்சுவையான முறையில் 'ரிங் ரிங்' விவரிக்கிறது. சக்திவேல் எழுதி இயக்கியிருக்கும் இப்படத்தில் விவேக் பிரசன்னா, சாக்ஷி அகர்வால், சஹானா ஷெட்டி, டேனியல் ஆன் போப் ஆகியோர் முக்கிய வேடங்களில் நடித்துள்ளனர்.