జుట్టు రాలకుండా సులువైన చిట్కాలు

జుట్టుకు నూనె ఎందుకు రాయాలి? దాంతో ఏయే లాభాలు ఉన్నాయో...తెలుసుకోండి.

- - సోమా ఘోష్ •

వేల ఏళ్లుగా జుట్టుకు నూనె రాయడం ఒక సంప్రదాయంగా వస్తోంది. నూనె రాస్తే జుట్టు బలంగా మారుతుంది.మెదడు ప్రశాంతంగా ఉంటుంది. రక్త ప్రసరణ పెరుగుతుంది. జుట్టు రాలడం, తెల్లబడటం తగ్గుతుంది. అయితే ధనిక కుటుంబాలకు చెందిన అమ్మాయిల మాదిరిగానే సాధారణ ఉద్యోగాలు చేసే అమ్మాయిలు జుట్టుకు నూనె రాయకుండా, హీరోయిన్లు వాడే ఉత్పత్తులు అప్లై చేయాలని భావించడం తప్పు.

ప్రస్తుత ఉరుకుల పరుగుల జీవనశైలిలో జుట్టు త్వరగా రాలిపోవడం, తెల్లబడటం సర్వసాధారణం. ఇలాంటి పరిస్థితుల్లో క్రమం తప్పకుండా జుట్టుకు నూనె రాస్తే మీరు మానసికంగా, శారీరకంగా ఆరోగ్యంగా ఉంటారు.