கார்ப்பரேட் பிஸினஸ் நீட், தொடரும் பயங்கரம்!

நீட் மரணங்கள் தொடர் நிகழ்வுகளாகிவிட்டன. மருத்துவக் கனவுக்கு மரணத்தை விலையாக கேட்கிறது ஒன்றிய கல்விக்கொள்கை. இதுவரை 16 மாணவர்களை நீட் தமிழ்நாட்டில் பலிவாங்கியிருக்கிறது என, குடியரசுத்தலைவருக்கு நீட் விலக்கு மசோதா ஒப்புதல் கோரி முதலமைச்சர் ஸ்டாலின் எழுதிய கடிதத்தில் குறிப்பிட்டுள்ளார்.

- நெல்லை பரிதி

கடந்த வாரத்தில் நீட் தேர்வில் தேர்ச்சி அடைந்து மருத்துவ சீட் கிடைக்காததால் சென்னையை சேர்ந்த ஜெகதீஸ்வரன் என்ற மாணவர் தற்கொலை செய்துகொண்டார். மனைவியை இழந்த தனது ஒரே ஆதரவான மகனையும் இழந்த துயரம் தாங்க முடியாமல் அவரது தந்தையும் தற்கொலை செய்து கொண்டது தமிழ்நாட்டையே உலுக்கி இருக்கிறது.

இந்த நிலையில், தற்கொலை செய்து கொண்ட மாணவர் ஜெகதீஸ்வரனின் நண்பர் ஃபயாசுத்தீன் பேசிய பேச்சு, நீட் தேர்வின் கோரமுகத்தை கண்முன் காட்சியாய் காட்டுகிறது.