அந்நிய மொழி இந்தி அவசியமில்லை!

இந்திய ஒன்றியத்தை ஆளும் பா.ஜ.க. அரசு, தமிழ்நாட்டை பேரழிவுக்குள் தள்ளும் விதமாக இந்தி திணிப்பில் மிக மூர்க்கமாக இருக்கிறது. இந்தி பிரச்சினை இன்று நேற்றல்ல... வெகு காலமாகவே தமிழ்நாட்டை அச்சுறுத்தி வருகிறது. இதற்கு தமிழ்நாட்டின் மக்களுடன் சேர்த்து அரசியல் கட்சிகள் அனைத்தும் எதிர்ப்பு தெரிவித்து வருகின்றன. ஜெயலலிதா அரசியலில் காலடி எடுத்து வைத்த காலகட்டத்தில்... இந்தி, தமிழ்நாட்டுக்கு தேவையில்லாத விசயம் என தேவி வார இதழுக்கு அளித்த ப்ளாஷ் பேக் பேட்டி:-

அ.தி.மு.க.கொள்கைகளில் உங்களை மிகவும் கவர்ந்த கொள்கை எது?

எல்லாக் கொள்கைகளுமே பிடித்தவைதான் என்றாலும் மாநில சுயாட்சியை பற்றிய கொள்கையை குறிப்பிடலாம். மாநில சுயாட்சியை வற்புறுத்தவில்லை ஏன் என்றால் தேசிய ஒருமைப்பாடு மிகவும் முக்கியம். அதேநேரத்தில் மாநிலங்களுக்கு அதிக அதிகாரம் வேண்டும் என்பதை வற்புறுத்தியிருக்கிறார்கள். இப்போது பார்த்தால் எல்லா அதிகாரங்களையுமே மத்திய அரசு குவித்து வைத்துக் கொண்டிருப்பதால்தான் மிகவும் பிரச்சனைகள் ஏற்படுகின்றன.

அமெரிக்காவை எடுத்துக் கொள்ளுங்கள். மிக முக்கியமான ராணுவம் போன்ற சிலவற்றை மட்டும் மத்தியில் வைத்துக் கொண்டு மற்ற அனைத்தையுமே மாநிலங்களுக்கு விட்டு விட்டார்கள். இதனால் அவர்கள் நிம்மதியாக இருக்க முடிகிறது.

ஆனால் இங்கு எல்லாவற்றையும் மத்தியில் குவித்துக் கொண்டிருப்பதால் குழப்பம்தான் வருகிறது. உதாரணமாக உணவு விநியோகத்தை எடுத்துக் கொள்ளுங்கள். கடந்த ஆண்டு உணவு உற்பத்தி திருப்தியாக இருந்தாலும் சில பொருட்கள் தட்டுப்பாடாகிவிட்டன. இதற்கு காரணம் மத்திய அரசாங்க உணவு விநியோக முறைதான்!

இன்னொன்று அ.இ.அ.தி.மு.க.வின் மொழிக் கொள்கை: