Aathi's Little Things ആതിരയുടെ വലിയ സന്തോഷങ്ങൾ

അപ്രതീക്ഷിതമായി തുടങ്ങിയ ലിറ്റിൽ തിങ്ക്സ് ബ്രാൻഡായി മാറിയ കഥ

- നിരഞ്ജന ഇന്ദു

കുഞ്ഞുകുഞ്ഞു കാര്യങ്ങളിൽ നിങ്ങൾക്ക് സന്തോഷം കണ്ടെത്താൻ കഴിയാറുണ്ടോ? എങ്കിൽ നിങ്ങളുടെ ജീവിതം മനോഹരമായിരിക്കുമെന്ന് ആതിര രാധൻ പറയുന്നു. പുറത്തുകളയാൻ എടുത്ത ഒരു തുണ്ട് വേസ്റ്റ് പേപ്പറിൽ നിറങ്ങൾ പകർത്തിയാണ് ആതിര തന്റെ ക്യൂട്ട് ലിറ്റിൽ തിങ്ക്സിന് തുടക്കം കുറിക്കുന്നത്. അന്ന് അതിന് വെറും ഇരുപത് രൂപ വില പറഞ്ഞ ആ ബുക്ക് മാർക്കുകൾ ഇന്ന് ഒരു ബ്രാൻഡായി മാറിയിരിക്കുന്നു.

 2018 ൽ തുടക്കം കുറിച്ച് ആതിരയുടെ ആതീസ് ലിറ്റിൽ തിങ്ക്സിനെ തിരക്കി പുറം രാജ്യങ്ങളിൽ നിന്നു പോലും ഇന്ന് സന്ദേശങ്ങളും കോളുകളും തേടിയെത്തുന്നു. കണ്ണൂർക്കാരി ആതിര തന്റെ ലിറ്റിൽ തിങ്ക്സ് കൊണ്ട് കെട്ടിപ്പടുത്ത ജീവിതത്തെകുറിച്ചും സന്തോഷത്തെക്കുറിച്ചും സംസാരിക്കുന്നു.

ലിറ്റിൽ തിങ്ക്സ് എന്റെ ജീവിതമാണ്

ലിറ്റിൽ തിങ്ക്സ് എത്രത്തോളം നൽകുന്നുവെന്ന് സന്തോഷം ചോദിച്ചാൽ അതെന്റെ ജീവനും ജീവിതമാണെന്ന് മാത്രമേ പറയാൻ വഴിയുള്ളൂ. വരയ്ക്കാൻ കഴിയുമെന്നും അത് മറ്റുള്ളവർക്ക് നന്നായി കണക്ട് ചെയ്യാൻ കഴിയുന്നയുന്നുണ്ടെന്നും തിരിച്ചറിഞ്ഞ ആ പോയിന്റിലാണ് ലിറ്റിൽ തിങ്ക്സ് ജനിക്കുന്നത്. ജീവിക്കാൻ എല്ലാ വർക്കും എന്തെങ്കിലും വരുമാനമാർഗ്ഗം വേണം. അത് എന്ത് ജോലി എന്നത് നമ്മുടെ മാത്രം തീരുമാനമാണ്. പാഷനൊപ്പം ജീവിതം മുന്നോട്ടു നീക്കാൻ കഴിത്ര സന്തോഷം മറ്റൊന്നിനുമില്ലെന്നാണ് എനിക്ക് തോന്നിയിട്ടുള്ളത്. ലിറ്റിൽ തിങ്ക്സിന് വേണ്ടി ഞാൻ ചെയ്യുന്ന ഓരോ കുഞ്ഞുവർക്കുകളും എനിക്ക് സന്തോഷവും ആത്മവിശ്വാസവും, പൂർണ്ണതയും, ആത്മസംതൃപ്തിയും നൽകുന്നു.

മറ്റുള്ളവരെ സന്തോഷിപ്പിക്കാൻ കഴിയുക