ഈ സമയവും കടന്നുപോകും വീണാനായർ

കോകില എനിക്കേറ്റവും പ്രിയപ്പെട്ട കഥാപാത്രങ്ങളിൽ ഒന്നാണ്

- ശരത് സുബ്രഹ്മണ്യൻ

കലാരംഗത്ത് നിന്നും അഭിനയരംഗത്തേയ്ക്ക് കടന്നുവന്ന നടിയാണ് വീണാനായർ. കേരള സ്കൂൾ കലോത്സവത്തിൽ ശാസ്ത്രീയ നൃത്തകലകളിൽ തിളങ്ങി കലാതിലകം നേടിയെടുത്ത വീണാനായർ അഭിനയജീവിതം ആരംഭിക്കുന്നത് മിനി സ്ക്രീൻ പരമ്പരകളിലൂടെയാണ്. മലയാളികൾ വീണയെ ശ്രദ്ധിച്ചുതുടങ്ങിയത് തട്ടീം മുട്ടീം പരപരയിലെ കോകില എന്ന കഥാപാത്രത്തിലൂടെയാണ്. വളരെ അനായാസമായി നർമ്മം കലർത്തി കോകില എന്ന കഥാപാത്രം വീണ അതിഭംഗിയായി അവതരിപ്പിച്ചിരുന്നു. പരമ്പരയിലെ അഭിനയം ശ്രദ്ധിക്കപ്പെട്ടതോടെയാണ് സിനിമയിലേക്കുള്ള അവസരവും വന്നത്. 2006 ൽ പുറത്തിറങ്ങിയ വെള്ളിമൂങ്ങ എന്ന ചിത്രത്തിൽ ജോളി മാത്യു എന്ന കഥാപാത്രത്തിലൂടെ വീണ ബിഗ്സ്ക്രീനിൽ തിളങ്ങി. പിന്നീട് ഒരുപിടി ചിത്രങ്ങളുടെ ഭാഗമായെങ്കിലും വീണ്ടും മാധ്യമശ്രദ്ധ പിടിച്ചുപറ്റിയത് 2020 ൽ നടന്ന ബിഗ് ബോസ് മലയാളം സീസൺ 2 ഷോയിലൂടെയാണ്.

മികച്ച പ്രകടനം കാഴ്ച വച്ച വച്ച് വീണ ഷോയുടെ ടൈറ്റിൽ വിന്നറായില്ലെങ്കിലും നിരവധി ആരാധകരെ ഉണ്ടാക്കിയിരുന്നു. ഷോ അവസാനിച്ച ശേഷം താരം മാധ്യമങ്ങളിൽ നിറഞ്ഞു നിന്നു. സ്വകാര്യജീവിതത്തിൽ സംഭവിച്ച താള പിഴകളെക്കുറിച്ച് താരം തുറന്നുപറച്ചിൽ നടത്തുകയാണ്. വീണയുടെ വിശേഷങ്ങളിലൂടെ...

കോകിലയിൽ നിന്ന് സിനിമയിലേക്ക്...?