അമൃത് ചുരത്തുന്ന മാലാഖ

മാലാഖയ്ക്കും അമ്മിഞ്ഞപ്പാലിനും പകരമാകാൻ മറ്റൊന്നുമാകില്ലത്രേ. അമ്മിഞ്ഞപ്പാല് അമൃതെന്നാണ് പഴമൊഴി. മാതൃത്വം അമ്മയ്ക്കും, അമ്മിഞ്ഞപ്പാൽ കുഞ്ഞിനും അവകാശം. അമ്മയുടെ വാത്സല്യം മേമ്പൊടിയായി ചേർത്ത് പ്രകൃതി വിളമ്പുന്ന സമ്പൂർണ്ണ ആഹാരമാണിത്.

- എസ്.പി.ജെ

എറണാകുളം ജനറൽ ഹോസ്പിറ്റലിലെ മുലപ്പാൽ ബാങ്കിലേയ്ക്ക് സ്വന്തം മുല പാൽ നൽകി സ്നേഹത്തിന്റേയും, കരുതലിന്റേയും, വാത്സല്യത്തിന്റേയും വേറിട്ട കാഴ്ചയായി മാറുകയാണ് പെരുമ്പാവൂർ പുല്ലുവഴി സ്വദേശിനി ഹന്ന ഷിനോ. ആശുപത്രിയിലെ കാർഡിയോ വാസ്കലാർ ടെക്നിഷ്യനാണ് ഷിന്റോ.

കഴിഞ്ഞവർഷം ഒക്ടോബർ 7 ന് ഷിന്റോയ്ക്ക് പെൺകുഞ്ഞ് പിറന്നു. 4 മാസത്തെ അവധിക്കു ശേഷം വീണ്ടും ജോലിക്കെത്തിയ ഹന്ന രാവിലെയും വൈകിട്ടും ആശുപത്രിയിലുള്ള മുലപ്പാൽ ബാങ്കിലേയ്ക്ക് മുലപ്പാൽ ദാനം ചെയ്തുതുടങ്ങി.(അമ്മ യിൽ നിന്ന് മുലപ്പാൽ നേരിട്ട് കുടിക്കാൻ കഴിയാത്ത കുഞ്ഞുങ്ങൾക്കും, ചികിത്സയിലുള്ള നവജാത ശിശുക്കൾക്കും, വാടകഗർഭപാത്രത്തിൽ ജന്മമെടുക്കുന്ന കുഞ്ഞുങ്ങൾക്കുമുള്ള മുലപാൽ മുലപ്പാൽ ബാങ്കിൽ നിന്നുമാണ് ലഭിക്കുന്നത്. കേരളത്തിലെ ആദ്യ മുലപാൽ ബാങ്ക് എറണാകുളം ജനറൽ ഹോസ്പിറ്റലിൽ റോട്ടറി ക്ലബ്ബ് ഓഫ് കൊച്ചിൻ ഗ്ലോബലിന്റെ സഹായത്തോടെ സ്ഥാപിച്ച മുലപ്പാൽ ബാങ്കാണ്).