ஒரே ஊசி முனையால் அழகாக மாறும் சருமம்!

ஒருவரின் இளமையான தோற்றத்திற்கு அங்கீகாரம் அவரின் சருமம். வயதில் சின்னவராக இருந்தாலும், சருமத்தில் சுருக்கம், புத்துணர்ச்சி இல்லாமல் இருந்தால் அவர்களை வயதானவர்களாக எடுத்துக்காட்டும்.

- விஜயா கண்ணன்

அதனாலேயே சினிமா நடிகைகள் மட்டுமில்லாமல் சாதாரண பெண்கள் உட்பட அனைவரும் தங்களின் சரும அழகின் மேல் அதிக கவனம் செலுத்தி வருகிறார்கள். சருமத்தில் எந்த ஒரு குறைபாடு இல்லாதவர்களே தங்களின் சருமத்தில் சின்ன முகப்பரு தோன்றினாலே மிகவும் கவலைப்படுபவர்கள் மத்தியில் சருமத்தில் தீக்காயம் மற்றும் ஆசிட் வீச்சால் பாதிப்பு ஏற்பட்டவர்களின் மனநிலை எவ்வாறு இருக்கும். அவர்களின் மனக்கவலையை நீக்கி, அவர்களுக்கும் அழகான சருமத்தினை மீட்டு தர முடியும் என்கிறார் டாக்டர் தீபிகா. இவர் சென்னையில் 'பயனியர் ஸ்கார் ரிமூவல்' என்ற பெயரில் சரும சிகிச்சை மையத்தினை நிர்வகித்து வருகிறார்.