சுட்டிகளின் ஸ்ட்ரெஸ்சை குறைக்கும் ஜிம்னாஸ்டிக்ஸ்

ஒரு குழந்தைக்கு இரண்டு வயதானதும் அவர்களை எந்த பிளே ஸ்கூலில் சேர்க்கலாம் என்பதுதான் பெற்றோர்களின் சிந்தனையாக இருக்கும். அடுத்தகட்டமாக அவர்களுக்கு என்னென்ன பயிற்சி அளிக்கலாம் என்று சிந்திக்க ஆரம்பித்துவிடுவார்கள். அதாவது, பாட்டு, நடனம், கீபோர்ட், கால்பந்து, கிரிக்கெட்... இப்படி பலவிதமான பயிற்சிகளில் அவர்களை சேர்த்துவிடுவார்கள். இவை எல்லாம் போட்டி நிறைந்தது. மேலும் குழந்தைகள் கொஞ்சம் சீரியசாக எடுக்க வேண்டிய பயிற்சிகள்.

- லஹரி பார்த்தசாரதி

அப்பதான் அவர்கள் அடுத்தகட்டத்திற்கு போக முடியும். ஆனால் குழந்தைகள் குழந்தைகளாக வளர வேண்டும். இது போன்ற பயிற்சிகளை அவர்கள் விவரம் புரியும் வயதில் எடுத்துக் கொண்டால் போதும். குழந்தைகளுக்கு விளையாட்டு முறையில் ஏற்ற பயிற்சி அளித்தால் போதும் என்று நினைக்கும் பெற்றோர்களுக்காகவே ஆரம்பிக்கப்பட்டதுதான் 'டைனிடம்பில்ஸ்'. இது ஒரு ஜிம்னாஸ்டிக் பயிற்சிக் கூடம். முழுக்க முழுக்க குழந்தைகளின் மனநிலை மற்றும் அவர்களுக்கு பிடித்த முறையில் இங்கு பயிற்சி அளிக்கப்படும். சென்னை அடையாரில் இயங்கி வரும் இந்த ஜிம்னாஸ்டிக் பயிற்சிக்கூடத்தினை லஹரி பார்த்தசாரதி துவங்கியுள்ளார்.