തൊട്ടരികിലെത്തുന്ന മിത്ര

സിനിമയിൽ നിന്ന് ഇടവേളയെടുത്ത മിത്ര കുര്യൻ തിരിച്ചുവരവ് മിനിസ്ക്രീനിൽ മതിയെന്ന് തീരുമാനിച്ചതിനു കാരണമുണ്ട്

അഭിമുഖത്തിനായിരിക്കുമ്പോൾ മിത്ര ഗർഭിണി'യാണ്. നിറവയറിൽ തലോടിയും കുലുങ്ങിച്ചിരിച്ചു. മിത്ര പറഞ്ഞു, "ഈ ഷെഡ്യൂളിൽ പ്രസവമുണ്ടാകും. സൂപ്പർ ഹിറ്റായ "അമ്മ മകൾ സീരിയലിലെ മിത്രയുടെ അമ്മ കഥാപാത്രം കുഞ്ഞുവാവയെ കാത്തിരിക്കുന്ന ത്രില്ലിലാണ്.

അഭിനയത്തിൽ നിന്ന് ചെറിയ ബ്രേക് എടുത്ത ശേഷം സീരിയലിലേക്കുള്ള തിരിച്ചുവരവിലും പ്രസരിപ്പും കുസൃ തിയും കുറയാതെ കൂടെയുണ്ട് മിത്രയ്ക്ക് സ്ക്രീനിൽ മാത്രമല്ല റിയൽ ലൈഫിലും മിത്ര അമ്മയാണ്, കുറുമ്പ് കാണിക്കുന്ന അമ്മ.

എവിടെയായിരുന്നു ഇത്രയും നാൾ

സിനിമയിൽ നിന്ന് ഇടവേളയെടുത്ത് പോയത് വിവാഹ ജീവിതത്തിലേക്കാണ്. 2015 ലായിരുന്നു വിവാഹം. ലേഡീസ് ആൻഡ് ജെന്റിൽമാൻ' ആണ് അവസാനം അഭിനയിച്ച സിനിമ. എനിക്ക് കരിയർ പോലെ തന്നെ പ്രധാനമാണ് കുടു ബവും. അതുകൊണ്ടാണ് ബ്രേക് എടുത്തത്.

തിരിച്ചുവരവ് സീരിയലിലേക്ക് മതിയെന്ന് ഉറപ്പിച്ചിരുന്നു. സീരിയലാകുമ്പോൾ കൃത്യമായ ഇടവേളകൾ ലഭിക്കും. ഒരു ജോലി പ്ലാൻ ചെയ്യുന്നത് പോലെ തന്നെ ദിവസങ്ങൾ കൃത്യമായി പ്ലാൻ ചെയ്ത് മുന്നോട്ടു പോകാം. മാസത്തിൽ പത്ത് ദിവസമേ ഷൂട്ടിങ് ഉണ്ടാകൂ. രാവിലെ തുടങ്ങിയാൽ രാത്രി ഒൻപതരയോടെ കഴിയും. ബാക്കി സമയം കുടുംബത്തോടൊപ്പം ചെലവിടാം. മാത്രമല്ല, നല്ലൊരു ഇടവേളയ്ക്ക് ശേഷമല്ലേ വരുന്നത്. ആളുകളുടെ സ്വീകരണ മുറിയിലേക്ക് എന്നുമെത്തുമ്പോൾ കുറച്ചു കൂടി സ്നേഹം പെട്ടെന്നു കിട്ടുമല്ലോ. തൊട്ടരികത്ത് കാണുന്നൊരു അടുപ്പം പ്രേക്ഷകർക്ക് സീരിയൽ താരങ്ങളോടുണ്ട്.

തിരിച്ചുവരവ് വിചാരിച്ചതു പോലെ എളുപ്പമായിരുന്നോ ?

ആറു വർഷത്തിന് ശേഷം വീണ്ടും ക്യാമറയ്ക്ക് മുന്നിൽ നിന്നപ്പോൾ ആകെ പരിഭ്രമമായിരുന്നു. ഒന്നും പ്രതീക്ഷിച്ചതു പോലെ സ്മൂത് ആയി പോകുന്നില്ല. ആ ടെൻഷനിൽ നിന്ന് എന്നെ കരകയറ്റിയ സീരിയലിന്റെ സംവിധായകൻ ഫൈസൽ അടിമാലിയാണ്. ബോഡി ലാംഗ്വേജ്, എക്സ്പ്രഷൻസ് എല്ലാം കൃത്യമായി പറഞ്ഞു തന്ന് ചെയ്യിപ്പിക്കാൻ ആളുണ്ടായത് ഭാഗ്യം.

"ബോഡി ഗാർഡിലെ സേതുലക്ഷ്മി ഇന്നും പ്രേക്ഷകർക്ക് പ്രിയപ്പെട്ടതാണ്. നയൻതാരയോട് സൗഹൃദം ഉണ്ടോ ?