ഫ്ലോറിൽ വിരിയും വെയിലും നിലാവും

പഴയ വീട്ടിൽ പുതുമ കൊണ്ടുവരാൻ മോഹിക്കുന്നവരും പുതിയ വീട് പണിയുന്നവരും അറിഞ്ഞോളൂ ഫ്ലോറിങ്ങിലെ ലേറ്റസ്റ്റ് ട്രെൻഡ്സ്

- അമ്മു ജൊവാസ്‌

വീടിന്റെ തറയൊന്നു മാറ്റി പുതുമോടി നൽകാൻ പ്ലാനുണ്ടോ? എങ്കിൽ തീർച്ചയായും അറിഞ്ഞിരിക്കേണ്ടേ, ലേറ്റസ്റ്റ് ഫ്ലോറിങ് ട്രെൻഡ്സ്?

ഒരു വീടിന് ഒരു രീതിയിലുള്ള ഫ്ലോറിങ് എന്ന രീതി മാറിയിട്ട് നാളു കുറച്ചായി. പല മുറികളിൽ പല ഫ്ലോറിങ് മെറ്റീരിയൽ ഇടം പിടിച്ച കഥയും മാറി. പുത്തൻ ട്രെൻഡ് എന്താണെന്നോ? ഫ്ലോറിങ് മെറ്റീരിയൽ കൂട്ടിക്കലർത്തി ഉപയോഗിക്കുന്ന മിക്സ് ആൻഡ് മാച്ച് ഫ്ലോറിങ്. ടൈലും തടിയും, സ്റ്റോണും ടൈലും എന്നിങ്ങനെ മെറ്റീരിയലിൽ മിക്സിങ് നടത്തുന്നതു കൂടാതെ ഒരേ മെറ്റീരിയലിലുള്ള പല നിറത്തിലും ആകൃതിയിലുമുള്ളവയും കൂട്ടിക്കലർത്തി ഫ്ലോർ ട്രെൻഡിയാക്കുന്നുണ്ട്.

പഴയ ഫ്ലോറിങ് മാറ്റുമ്പോൾ

 നിലവിലുള്ള ഫ്ലോറിങ് മെറ്റീരിയൽ പൂർണമായി ചിപ് ചെയ്തു കളഞ്ഞ്, പരുക്കനിട്ട് ചാന്തു തേച്ചു പുതിയ ഫ്ലോറിങ് മെറ്റീരിയൽ വിരിക്കാം എന്നതാണ് ഒന്നാമത്തെ രീതി. പൊടിയുടെ പ്രശ്നം, പണിക്കൂലി അധികമാകും തുടങ്ങിയ നെഗറ്റീവ്‌ വശങ്ങളുണ്ട്‌ ഈ രീതിക്ക്‌.

 രണ്ടാമത്തെ രീതി ഇപ്പോഴുള്ള ഫ്ലോറിങ്‌ മെറ്റീരിയലിന്‌ മുകളില്‍ പശ ഉപയോഗിച്ച്‌ ടൈല്‍ ഒട്ടിക്കാമെന്നതാണ്‌. വുഡന്‍ പാനലും വിരിക്കാം. വീട്ടിലെ ഫ്ലോറിങ്‌ അനുസരിച്ചാകും അലമാരയും വാതിലുമെല്ലാം പണിതിരിക്കുന്നത്‌. തറ നിരപ്പ്ഉയര്‍ന്നാലുംഇവ അനായാസമായി ഉപയോഗിക്കാന്‍ കഴിയുമെന്ന്‌ ഉറപ്പാക്കിയിട്ടു വേണം ഇങ്ങനെ ചെയ്യാന്‍.

തറയില്‍ പൊട്ടലുണ്ടെങ്കിലും ഈര്‍പ്പം തങ്ങുന്നുണ്ടെങ്കിലും തറനിരപ്പ്‌ ഉയര്‍ന്നും താഴ്‌ന്നുമാണെങ്കിലും ഫ്ലോറിങ്‌ മുഴുവനായി തന്നെ മാറ്റുക. ആവശ്യമെങ്കില്‍ വാട്ടര്‍ പ്രൂഫിങ്ങും ചെയുണം.

മൊറോക്കന്‍ ടൈല്‍സ്‌ ഇപ്പോള്‍ ട്രെന്‍ഡാണ്‌. ബോള്‍ഡ്‌ ഡിസൈന്‍സ്‌ ഉള്ള മൊറോക്കന്‍ ടൈല്‍ വലിയ മുറികളിലാണ്‌ കൂടുതല്‍ ഇണങ്ങുക.

സ്ഥലസൌകര്യം കുറവുള്ള ഇടങ്ങളില്‍ മൊറോക്കന്‍ ടൈല്‍സ്‌ അധികമാകുന്നത്‌ മുറിയുടെ വലുപ്പം കുറച്ചു കാണിക്കും. കിച്ചന്‍ വാളില്‍, ലിവിങ്‌ ഏരിയയുടെ ഒരു ഭിത്തിയില്‍, സ്റ്റെയര്‍ കെയ്സില്‍... തുടങ്ങി കുറച്ചു സ്ഥലങ്ങളില്‍ മാത്രം മൊറോക്കന്‍ ടൈല്‍ പരീക്ഷിക്കാം.