സ്വപ്നം കണ്ട് കണ്ട് താരമായി

'സാറ്റർഡേ നൈറ്റി'ൽ നിവിൻ പോളിയുടെ നായികയാണ് മാളവിക ശ്രീനാഥ്

മധുരതരമായൊരു തുടക്കം

ഡിഗ്രികാലം മുതല്‍ എന്റെ ലക്ഷ്യം സിനിമയായിരുന്നു. ഏറെ നാളായുള്ള ശ്രമങ്ങള്‍ക്കു ശേഷമാണ്‌ അഹമ്മദ്‌ കബീറിന്റെ ചിര്രത്തില്‍ തിരഞ്ഞെടുക്കപ്പെടുന്നത്‌. ആ സിനിമ നടന്നില്ല. അന്ന്‌ അഹമ്മദിക്ക പറഞ്ഞിരുന്നു ഇനി ഞാന്‍ ചെയ്യുന്ന പടത്തില്‍ ഉറപ്പായും നീയുണ്ടാകും. അതൊരു വെറും പറച്ചിലായാണ്‌ കരുതിയത്‌. പക്ഷേ, അഹമ്മദിക്ക എന്നെ മറന്നില്ല. മധുരം എന്ന ചിത്രത്തിലേക്ക്‌ വിളിച്ചു. ചെറിയ റോളാണ്‌ എന്നു പറഞ്ഞിരുന്നു. ചെറുതായിരുന്നെങ്കിലും ആ കഥാപാത്രം എനിക്ക്‌ ഏറെ അഭിനന്ദനങ്ങളും സ്നേഹവും നേടിത്തന്നു.

സിനിമയ'ക്കായി കയറിയ വണ്ടികള്‍

ഡിഗ്രി കോയമ്പത്തൂരും പിജി ബെംഗളൂരുവിലുമാണ്‌ പഠിച്ചത്‌. സിനിമാ ഒഡീഷന്‍സ്‌ പലതും നടക്കുന്നത്‌ കൊച്ചിയിലും. ഒഡീഷനുണ്ടെന്ന്‌ അറിഞ്ഞാല്‍ ഞാന്‍ ബസോ: ട്രെയിനോ കയറും. രാവിലെ റെയില്‍വേ സ്റ്റേഷനിലോ ബസ്‌ സ്റ്റേഷനിലോ ഉള്ള വാഷ്‌ റൂമില്‍ നിന്നു വസ്ത്രം മാറി ഒഡീഷന്‍ പോകും.