പ്രിയംവദയുടെ പ്രിയങ്ങൾ

 'റോഷാക്കിലെ മികച്ച പ്രകടനത്തിലൂടെ തിളങ്ങുന്ന പ്രിയംവദ കൃഷ്ണന്റെ വിശേഷങ്ങൾ

- അമ്മു ജൊവാസ്

കഥാപാത്രം മുഖ്യം

മലയാളസിനിമ എന്നാൽ മിക്കവരെയും പോലെ എനിക്കും മമ്മൂട്ടിയും മോഹൻലാലുമായിരുന്നു. ചെറുപ്പം മുതൽ ആരാധിക്കുന്ന മഹാനടനൊപ്പം അഭിനയിക്കാൻ സാധിച്ചത് അനുഗ്രഹവും ഭാഗ്യവുമാണ്. നായികാകഥാപാത്രമേ ചെയ്യൂ എന്ന വാശിയേ ഇല്ല. എത്ര ചെറിയ റോൾ ആണെങ്കിലും പ്രാധാന്യമുള്ളതാകണം എന്നാണു ചിന്തിക്കുന്നത്. "റോഷാക്കി'ലേത് അത്തരമൊരു കഥാപാത്രമാണ്.

ആറു ദിവസത്തെ ഷൂട്ടിങ്ങിൽ കൂടുതൽ സീൻസും മമ്മൂക്കയ്ക്കൊപ്പമായിരുന്നു. റോൾ ചെറുതാണെങ്കിലും കിട്ടിയ വേഷം നന്നായി ചെയ്തു എന്നു മനസ്സിലായത് പ്രേക്ഷകരുടെ സ്നേഹത്തിലൂടെയാണ്.

തൊട്ടപ്പനിൽ തുടക്കം