തെറ്റിധരിപ്പിക്കൽ വേണ്ടേ വേണ്ട

 ലൈംഗിക വിദ്യാഭ്യാസം എപ്പോൾ തൊട്ടു തുടങ്ങണം? മാതാപിതാക്കൾ ശ്രദ്ധിക്കേണ്ട കാലങ്ങൾ

- സ്വാതി ജിഷ് സെക്ഷ്വാലിറ്റി എജ്യൂക്കേറ്റർ

എത്രാമത്തെ വയസ്സിലാണു കു ട്ടിക്കു ലൈംഗിക വിദ്യാഭ്യാസം കൊടുത്തു തുടങ്ങേണ്ടത്? മാതാപിതാക്കൾ എന്നോടു സ്ഥിരമായി ചോദിക്കുന്ന ചോദ്യമാണിത്. അതുകൊണ്ട് അതിന് ഉത്തരം പറഞ്ഞു തുടങ്ങാം.

നിങ്ങളുടെ കുഞ്ഞിന് ആറു മാസം ആകുമ്പോൾ മുതൽ തന്നെ ലൈംഗിക വിദ്യാഭ്യാസം തുടങ്ങാം എന്നാണു എന്റെ മറുപടി. ഇതു കേൾക്കുമ്പോൾ പലർക്കും അദ്ഭുതമാണ്. പലരും അതു വിശ്വസിക്കാനേ കൂട്ടാക്കില്ല. പക്ഷേ, സത്യമാണ് ആറാം മാസം തൊട്ടു നമുക്കു ലൈംഗിക വിദ്യാഭ്യാസം നൽകി തുടങ്ങാം.