ചാർജിങ്ങിലും ശ്രദ്ധ വേണം

അപകടങ്ങളെ കുറിച്ചു പേടിയും ടെൻഷനും ഇല്ലാതെ സ്മാർട് ഫോൺ ഉപയോഗിക്കാൻ വഴിയുണ്ട്

- രതീഷ് ആർ. മേനോൻ ടെക്, സോഷ്യൽ മീഡിയ വിദഗ്ധൻ

ഫോണിന്റെ ബാറ്ററി പൊട്ടിത്തെറിക്കാനുള്ള കാരണങ്ങളും ഫോൺ ഉപയോഗിക്കുമ്പോൾ ശ്രദ്ധിക്കേണ്ട കാര്യങ്ങളുമാണല്ലോ കഴിഞ്ഞ ലക്കത്തിൽ പറഞ്ഞത്. ബാറ്ററി മാത്രമല്ല ഫോണിലെ വില്ലൻ ചാർജിങ്ങിൽ ശ്രദ്ധിക്കേണ്ട കാര്യങ്ങളും മുൻകരുതലുകളും എന്തൊക്കെയാണെന്നു നോക്കാം.

ഒറിജിനൽ മുഖ്യം 

മറ്റുള്ളവരുടെ ചാർജറുകൾ എടുത്തു സ്വന്തം ഫോൺ ചാർജു ചെയ്യുന്ന ശീലം മിക്കവർക്കുമുണ്ട്. ഇതു ഫോണിന്റെ ആരോഗ്യത്തെ മോശമായി ബാധിക്കും. ഫോൺ വാങ്ങിയപ്പോൾ ഒപ്പം കിട്ടിയ ചാർജർ കേടായാൽ അംഗീകൃത കമ്പനി ചാർജറുകൾക്കു പകരം വില കുറഞ്ഞവ വാങ്ങി ഉപയോഗിക്കുന്നതും ബാറ്ററിയെ ദോഷകരമായി ബാധിക്കും.