സിനിമയും രാഷ്ട്രീയവും

നടനും രാഷ്ട്രീയ നേതാവും. ഈ രണ്ടു റോളിനെയും കുറിച്ച് മുകേഷ് പറയുന്നു

- വിജീഷ് ഗോപിനാഥ്

സിനിമയിലേതു പോലെ രാഷ്ട്രീയത്തിലും നിലനിൽക്കാൻ എങ്ങനെ കഴിയുന്നു? എളുപ്പം ഏതാണ്?
അഭിഷ എ. കൂത്തുപറമ്പ്, കണ്ണൂർ

രണ്ടിലും ആത്മാർഥമായ ശ്രമവും കഴിവും അതിനൊപ്പമോ അല്ലെങ്കിൽ കുറച്ചു മുകളിലോ ഭാഗ്യവും വേണം. നല്ല റോളുകൾ നല്ല പ്രായത്തിൽ കിട്ടുക, അതു ജനങ്ങൾ സ്വീകരിക്കുക ഇതെല്ലാം സിനിമയിലെ ഭാഗ്യം. രാഷ്ട്രീയത്തിലും അതുപോലെ തന്നെ. രണ്ടു തരം വികസനങ്ങൾ ഉണ്ട്. ഒന്ന് നാടിന്റെ സാധാരണ വികസനം. പിന്നെ, ഹൃദയത്തിൽ നിന്നു വന്നു കയ്യടി നേടുന്ന വികസനങ്ങൾ. ഉദാഹരണത്തിന് ഒരു കാലത്തും നടക്കില്ല എന്നു കരുതി എഴുതിത്തള്ളിയ പാലം യാഥാർഥ്യമാകുന്നു. നല്ല സ്കൂളുകളും ആശുപത്രികളും ഉണ്ടാകുന്നു. കയ്യടി കിട്ടുന്നു. ഇതെല്ലാം എന്റെ മണ്ഡലത്തിലും നടന്നു. സിനിമയും രാഷ്ട്രീയവും എളുപ്പമല്ല. രണ്ടു സ്ഥലത്തും നല്ല പണിയെടുക്കണം. നല്ല വെയിലും കൊള്ളണം.

ഇപ്പോൾ സിനിമാ ലൊക്കേഷനിലേക്കു ചെല്ലുമ്പോൾ മിസ് ചെയ്യുന്നതെന്താണ്? ശരണ്യ പത്മ ഹരി, റാന്നി