റിക്കവർ ചെയ്യാം ഈസിയായി

അറിഞ്ഞോ അറിയാതെയോ ഡിലിറ്റ് ആയ ഡേറ്റ റിക്കവർ ചെയ്യാനുള്ള മികച്ച വഴി അറിയാം

-  രതീഷ് ആർ. മേനോൻ ടെക്, സോഷ്യൽ മീഡിയ വിദഗ്ധൻ

ഫോണിൽ നിന്നോ മെമ്മറി കാർഡിൽ നിന്നോ ആവശ്യമുള്ള ഡേറ്റ ഡിലീറ്റായി പോയാൽ എന്തു ചെയ്യും? മിക്കവരുടെയും സംശയമാണിത്. പലതരം സോഫ്റ്റ്വെയർ ഉപയോഗിച്ചു ഡേറ്റ റിക്കവർ ചെയ്യാമെങ്കിലും ഏറ്റവും ഫലപ്രദമായി ഉപയോഗിക്കാവുന്ന ഈസി ഡേറ്റ റിക്കവറി എന്ന സോഫ്റ്റ്വെയറിനെ കുറിച്ചാണ് ഇനി പറയുന്നത്.

മൊബൈൽഫോൺ, മെമ്മറി കാർഡ്, പോർട്ടബിൾ സ്റ്റോറേജ് ഡിവൈസുകൾ തുടങ്ങിയ വ്യത്യസ്ത ഡിവൈസുകളുടെ സ്റ്റോറേജിൽ നിന്നും ഫയലുകൾ റിക്കവർ ചെയ്യാൻ ഈ സോഫ്റ്റ്വെയർ സഹായിക്കും.

പഠിക്കാം പടിപടിയായി

ഈസി ഡാറ്റാ റിക്കവറി (Eassiy Data Recovery) എന്ന സോഫ്റ്റ്വെയർ കംപ്യൂട്ടറിൽ ഇൻസ്റ്റാൾ ചെയ്യുകയാണ് ആദ്യ പടി. ഇതിനായി http://www.eassiy.com/data-recovery.html എന്ന ലിങ്കിൽ ക്ലിക്ക് ചെയ്യാം. അപ്പോൾ വരുന്ന ഇൻസ്റ്റാൾ ഓപ്ഷനുകൾ അതുപോലെ പിന്തുടരുക.