ആ നല്ല സമയം

ഫ്രീഡം ഫൈറ്റ്, തലവൻ... മികച്ച വേഷങ്ങളിലൂടെ പ്രിയതാരമാകുന്നു രഞ്ജിത് ശേഖർ

- രൂപാ ദയാബ്ജി

മൗനം സൊല്ലും വാർത്തകൾ

കഴിഞ്ഞ 16 വർഷത്തിനിടെ 150ലേറെ ഓഡിഷനുകളിൽ പങ്കെടുത്തിട്ടുണ്ട്. ഫിലിം ക്യാമറയിൽ ഷൂട്ട് ചെയ്യുന്ന കാലം മുതലേ അഭിനയമോഹിയാണ്, ഡിജിറ്റലായപ്പോൾ നല്ല വേഷങ്ങൾ കിട്ടി തുടങ്ങി. മുപ്പതോളം ഷോർട്ട് ഫിലിമുകളിൽ അഭിനയിച്ചിട്ടുണ്ട്. നെസ്റ്റിൽ നിന്ന് ഇൻഫോസിസിലേക്കും പിന്നെ ടിസിഎസിലേക്കും ജോലി മാറിയെങ്കിലും സിനിമാമോഹം മാത്രം മാറ്റമില്ലാതെ നിന്നു.

നെസ്സിൽ തൊട്ടടുത്ത സീറ്റിലിരുന്ന കൂട്ടുകാരനാണു രാഹുൽ റിജി നായർ, രാഹുൽ ആദ്യമായി സംവിധാനം ചെയ്ത മ്യൂസിക് ആൽബം മൗനം സൊല്ലും വാർത്തകളിൽ ഞാനും അഭിനയിച്ചിട്ടുണ്ട്. രാഹുലിന്റെ 'ഒറ്റമുറി വെളിച്ചം' ആണ് എന്റെയും ആദ്യ സിനിമ. പിന്നെ ഡാകിനിയും ഖൊഖായും. ഖൊഖൊയിലെ പ്യൂൺ വേഷവും മമിത ബൈജുവിനൊപ്പമുള്ള കോംബിനേഷനുമൊക്കെ ആളുകൾ ശ്രദ്ധിച്ചതോടെ നല്ല വേഷങ്ങൾ കിട്ടി.

ഫ്രീഡം ഫൈറ്റ്

ഫ്രീഡം ഫൈറ്റിലെ രജീഷയെ പ്രപ്പോസ് ചെയ്യുന്ന സഹപ്രവർത്തകന്റെ വേഷവും ക്ലൈമാക്സിലെ തെറിവിളിയുമൊക്കെ കണ്ട് ഒരുപാടു പേർ അഭിനന്ദിച്ചു. സംവിധായകനും നടനുമായ ശ്രീകാന്ത് മുരളി ചേട്ടനും നടൻ ചെമ്പൻ വിനോദ് ചേട്ടനുമൊക്കെ ആ കൂട്ടത്തിലുണ്ട്. അതൊക്കെ വലിയ പ്രോത്സാഹനമാണ്.