സംസ്ഥാന സ്‌കൂള്‍ കലോത്സവത്തില്‍ അഞ്ചു ഗോത്ര കലകള്‍ ഉള്‍പ്പെടുത്തിയപ്പോള്‍ ഗോത്രനൃത്ത പരിശീലകനായും വിധികര്‍ത്താവായും പ്രവര്‍ത്തിച്ചിരുന്നു ഭരതന്‍ പി.അശോക്. ഈ അനുഭവത്തെക്കുറിച്ചും ഗോത്രനൃത്തത്തെക്കുറിച്ചും എഴുതുകയാണ് അദ്ദേഹം.

തബലയില്‍ മാന്ത്രിക വിരലുകളാല്‍ നാദവിസ്മയം തീര്‍ത്ത് ഇതിഹാസം രചിച്ച സാക്കിര്‍ ഹുസൈന്‍ യാത്രയായി. ആര്‍ക്കും കഴിയാത്ത അതിശയകരമായ താളലയംകൊണ്ട് പരീക്ഷണങ്ങളുടെ ഉത്തുംഗതയില്‍ തന്റേത് മാത്രമായ ഒരനശ്വര ലോകം സൃഷ്ടിച്ച പ്രതിഭാശാലിക്ക് ശ്രദ്ധാഞ്ജലി നേരുന്നു തബലവാദകന്‍കൂടിയായ ലേഖകന്‍.

സുപ്രീംകോടതി 2019ലാണ് അയോധ്യയിലെ ബാബറി മസ്ജിദ് വിധി പ്രസ്താവിച്ചത്. അന്നത്തെ ചീഫ് ജസ്റ്റിസ് രഞ്ജന്‍ ഗൊഗോയിയുടെ നേതൃത്വത്തിലെ ബെഞ്ചിന്റേതായിരുന്നു വിധി. ആ വിധി എഴുതി തയ്യാറാക്കിയത് ജസ്റ്റിസ് ഡി.വൈ.ചന്ദ്രചൂഡ് ആണെന്ന് ഏറെക്കുറെ ഇന്ന് വ്യക്തമാണ്. വിധി തയ്യാറാക്കുന്നതില്‍ ദൈവത്തിനും പങ്കുണ്ടെന്ന് ഈയിടെ ചന്ദ്രചൂഡ് തന്നെ വെളിപ്പെടുത്തിയപ്പോള്‍ അത് ഏറെ വിവാദമാണുണ്ടാക്കിയത്. അദ്ദേഹം സംഘപരിവാറിന്റെ കളിപ്പാവയായി മാറിയോ എന്ന് പലരും സംശയമുന്നയിച്ചു. രാജ്യത്തിന്റെ വിവിധ ഭാഗങ്ങളില്‍ മുസ്‌ലിംകളടക്കം മതന്യൂനപക്ഷങ്ങളും സ്ഥാപനങ്ങളും ഭീഷണി നേരിടുമ്പോള്‍ മുതിര്‍ന്ന മാധ്യമപ്രവര്‍ത്തകനും ദ ടെലഗ്രാഫ് പത്രത്തിന്റെ എഡിറ്റര്‍ അറ്റ്‌ലാര്‍ജുമായ ആര്‍.രാജഗോപാല്‍ നിരീക്ഷണങ്ങള്‍ പങ്കുവെക്കുന്നു.

സൗരോര്‍ജ വൈദ്യുതി വാങ്ങാന്‍ ഇന്ത്യന്‍ ഉദ്യോഗസ്ഥര്‍ക്ക് 265 മില്യണ്‍ ഡോളര്‍ അദാനി കൈക്കൂലി നല്‍കിയെന്ന കണ്ടെത്തലിനെ തുടര്‍ന്ന് യു.എസ് കോടതി അന്വേഷണത്തിനുത്തരവിട്ടിരിക്കുകയാണ്. പ്രധാനമന്ത്രി നരേന്ദ്രമോദിയുടെ ഉറ്റചങ്ങാതി അഴിമതി സാമ്രാജ്യം കെട്ടിപ്പൊക്കി ലോകത്തെ സമ്പന്നന്മാരുടെ പട്ടികയിലിടംനേടുമ്പോള്‍ അദാനി ഗ്രൂപ്പിന്റെ ക്രമവിരുദ്ധ നടപടികളെ തുറന്നുകാണിക്കുകയാണ് രാഷ്ട്രീയ നിരീക്ഷകനും നവ മാധ്യമ വിദഗ്ധനുമായ ലേഖകന്‍.



ഇന്ത്യന്‍ മഹാസമുദ്രത്തിലൂടെ വ്യാപിച്ച മനുഷ്യന്റെ ചരിത്രവഴികളിലേക്ക് സഞ്ചരിച്ച് പുതിയ കണ്ടെത്തലുകള്‍ നടത്തിക്കൊണ്ടിരിക്കുന്ന യുവചരിത്രകാരനാണ് മലപ്പുറം പെരിന്തല്‍മണ്ണ സ്വദേശിയായ മഹ്മൂദ് കൂരിയ. ഹ്യൂമാനിറ്റീസ് ആന്‍ഡ് സോഷ്യല്‍ സയന്‍സ് വിഭാഗത്തിലെ സംഭാവന പരിഗണിച്ച് 2024ലെ ഇന്‍ഫോസിസ് അവാര്‍ഡ് മുപ്പത്താറുകാരനായ ഈ പ്രതിഭയെ തേടിയെത്തി. ആധുനിക പൂര്‍വകാലത്തെയും ആധുനികഘട്ടത്തിലെയും മാരിടൈം ഇസ്‌ലാമിന്റെ വ്യാപനത്തെ സംബന്ധിക്കുന്ന പഠനമാണ് കൂരിയയുടെ പ്രധാനമേഖല. നിരവധി ഗവേഷണപ്രബന്ധങ്ങളും 
പുസ്തകങ്ങളും പ്രസിദ്ധപ്പെടുത്തിയ മഹ്മൂദ് കൂരിയ നിലവില്‍ സ്‌കോട്‌ലാന്റില്‍ എഡിന്‍ബര്‍ഗ് സര്‍വകലാശാലയിലെ ചരിത്രവിഭാഗം അധ്യാപകനാണ്. പഴയതും പുതിയതുമായ പഠനമേഖലയെക്കുറിച്ച് അദ്ദേഹം വിശദമായി സംസാരിക്കുന്നു.

ജനാധിപത്യരാജ്യമെന്ന് അറിയപ്പെട്ടിരുന്ന ഇന്ത്യ ഇലക്ടറല്‍ ഡെമോക്രസിയില്‍ നിന്ന്് ഇലക്ടറല്‍ ഓട്ടോക്രസിയിലേക്ക് വഴിമാറിപ്പോകുന്നതും വികസനത്തിന്റെ പേരില്‍ ഇന്ത്യന്‍ ജനാധിപത്യം അട്ടിമറിക്കപ്പെടുന്നതും എങ്ങനെയെന്ന് വിശദീകരിക്കുകയാണ് ദേശീയ ജുഡീഷ്യല്‍ അക്കാദമി മുന്‍ ഡയറക്ടറും സി.എച്ച് മുഹമ്മദ് കോയ ചെയര്‍ വിസിറ്റിങ് പ്രഫസറുമായ ഡോ. ജി മോഹന്‍ ഗോപാല്‍. ഡെമോക്രസി ആന്റ് ഡവലപ്‌മെന്റ് എന്ന വിഷയത്തില്‍ രണ്ടു സ്ഥലത്ത് നടത്തിയ പ്രഭാഷണത്തിന്റെ ഏകോപനമാണിത്.

ലഡാക്ക് ജനതയുടെ പരിസ്ഥിതിയും സംസ്‌കാരവും വിദ്യാഭ്യാസവും അട്ടിമറിക്കുന്ന കേന്ദ്രനയത്തിനെതിരെ പോരാട്ടം നയിച്ച് ശ്രദ്ധ 
നേടിയ ക്ലൈമറ്റ് ആക്ടിവിസ്റ്റാണ് വാങ്ചുക്. ഭരണഘടനയുടെ ആറാം പട്ടികയില്‍ ഉള്‍പ്പെടുത്തി ലഡാക്കിന് കൂടുതല്‍ സ്വയംഭരണാവകാശം വേണമെന്ന ആവശ്യവുമായി ലോകം ശ്രദ്ധിക്കുന്ന സമരത്തിലാണദ്ദേഹം. 32 ദിവസം കാല്‍നടയായി 1000 കിലോമീറ്റര്‍ പിന്നിട്ട് ഡല്‍ഹിയില്‍ എത്തി കേന്ദ്ര ഭരണാധികാരികളെ വിറപ്പിച്ച സത്യഗ്രഹികൂടിയാണ് വാങ്ചുക്. സമരമുഖത്ത് അദ്ദേഹവുമായി കൂടിക്കാഴ്ച നടത്തി പ്രമുഖ മാധ്യമ പ്രവര്‍ത്തകന്‍ തയ്യാറാക്കിയ ലേഖനം.

ഒരുകാലത്ത് കേരളത്തിലും കര്‍ണാടകയിലും ഒരേപോലെ തിളങ്ങിനിന്നിരുന്ന കവിയും സാംസ്‌കാരിക പ്രര്‍ത്തകനുമായിരുന്നു കാസര്‍
കോഡ് സ്വദേശിയായ ടി. ഉബൈദ് എന്ന ബഹുമുഖപ്രതിഭ. ഓരങ്ങളിലേക്ക് ഒതുങ്ങിപ്പോയ കേരളീയ മുസ്‌ലിം സാംസ്‌കാരിക ജീവിതത്തെ മുഖ്യധാരയിലേക്ക് പ്രതിഷ്ഠിക്കുന്നതില്‍ മുഖ്യപങ്ക് വഹിച്ച ഉബൈദ് വിടവാങ്ങിയിട്ട് 52 വര്‍ഷം പിന്നിടുകയാണ്. മാപ്പിളപാട്ടു രചനയിലും ഈടുറ്റ സംഭാവനകള്‍ നല്‍കിയ ആ മഹാകവിയെ ഓര്‍ത്തെടുക്കുകയാണ് അധ്യാപകനും ഗ്രന്ഥകാരനുമായ ലേഖകന്‍.

ആക്ടിവിസ്റ്റുകള്‍ക്കും ഫാഷിസ്റ്റ് വിരുദ്ധ പോരാളികള്‍ക്കും ജയിലറ വിധിക്കുന്ന മോദി ഗവണ്‍മെന്റ് നമ്മുടെ ജനാധിപത്യ 
വ്യവസ്ഥയ്ക്ക് ഭീഷണിയാണ്. ഈയിടെ അന്തരിച്ച പ്രമുഖ ചിന്തകനും മനുഷ്യാവകാശ പ്രവര്‍ത്തകനും പ്രഫസറുമായ ജി.എന്‍ സായിബാബയുടെ അനുഭവങ്ങള്‍ അതാണ് പഠിപ്പിക്കുന്നത്. ഇക്കാര്യം വിശകലനം ചെയ്ത് സംസാരിക്കുകയാണ് ദി ടെലഗ്രാഫ് പത്രത്തിന്റെ എഡിറ്റര്‍ അറ്റ് ലാര്‍ജായ ആര്‍. രാജഗോപാല്‍.

വടക്കന്‍ ഗസ്സയില്‍ ഇസ്രാഈലിന്റെ ബോംബാക്രമണത്തില്‍ ഹമാസിന്റെ ഉന്നത നേതാവ് യഹ്യ സിന്‍വറും കൊല്ലപ്പെട്ടിരിക്കുന്നു! ഈ ലേഖനം എഴുതുമ്പോള്‍ 373  ദിവസങ്ങളിലായി ഫലസ്തീനില്‍ കൊല്ലപ്പെട്ടവരുടെ സംഖ്യ 42,344 ആയിരുന്നു. ഒക്‌ടോബര്‍ 18-ന് അത് 42,438 ആയി ഉയര്‍ന്നു. ഫലസ്തീന്‍ ജനതയെ ഈ ഭൂമുഖത്തുനിന്നും എന്നന്നേക്കുമായി ഇല്ലാതാക്കുക എന്നതാണ് ഇസ്രാഈലിന്റെ അജണ്ട. ഈ പശ്ചാത്തലത്തില്‍ ഫലസ്തീന്‍ പോരാട്ടത്തിന്റെ രാഷ്ട്രീയം വീണ്ടും അനാവരണം ചെയ്യുകയാണ് നവമാധ്യമ വിദഗ്ധനും രാഷ്ട്രീയ സാംസ്‌കാരിക നിരീക്ഷകനുമായ ലേഖകന്‍.

എഴുപതാമത് ദേശീയ ചലച്ചിത്ര അവാര്‍ഡില്‍ മികച്ച ചിത്രമായി തെരഞ്ഞെടുത്ത 'ആട്ടം' നാടകസംഘത്തെയും അതിലെ അഭിനേതാക്കളെയും കേന്ദ്രീകരിച്ച് കഥ പറയുന്ന സിനിമയാണ്. മികച്ച തിരക്കഥ, എഡിറ്റിങ്ങ് എന്നീ വിഭാഗത്തിലും ആട്ടത്തിനുതന്നെയാണ് അവാര്‍ഡ്. വടകരയില്‍ ഈയിടെ അരങ്ങേറിയ 'വ' ഫെസ്റ്റില്‍ ഈ സിനിമയില്‍ അഭിനയിച്ച 10 നാടകപ്രവര്‍ത്തകരും സംവിധായകനും പങ്കെടുത്തിരുന്നു. അവര്‍ 'ആട്ടം സിനിമാനുഭവങ്ങള്‍' പങ്കുവെക്കുന്നു.

സംഘസംഘപരിവാര്‍ പ്രവര്‍ത്തകര്‍ പ്രതിസ്ഥാനത്തു വരുന്ന കേസുകളില്‍ പിണറായി വിജയന്റെ പൊലീസ് എടുത്തുവരുന്ന വിവേചനപരമായ സമീപനം, സംഘപരിവാര്‍ സമ്മര്‍ദ്ദത്തിന് കീഴ്‌പ്പെട്ട് പൊലീസ് തലപ്പത്ത് സംഘി അനുകൂലികളെ തിരുകിക്കയറ്റല്‍, ഇസ്‌ലാമോഫോബിയ സൃഷ്ടിക്കുന്ന കേസുകള്‍ കേരളത്തില്‍ ബ്രാന്റ് ചെയ്‌തെടുക്കല്‍ എന്നീ കാര്യങ്ങളെക്കുറിച്ച് വിശദമാക്കുന്നു മുസ്‌ലിം ലീഗ് സംസ്ഥാന സെക്രട്ടറിയും പ്രമുഖ പ്രഭാഷകനുമായ ഷാഫി ചാലിയം.

ബാബുരാജിനും കോഴിക്കോട് അബ്ദുല്‍ ഖാദറിനും പുറമെ അക്കാലത്ത് ഹൃദയത്തെ തൊട്ടുണര്‍ത്തിയ ഗാനങ്ങളും നാടകവുമൊക്കെ രചിച്ച് സാംസ്‌കാരിക രാഷ്ട്രീയ രംഗത്ത് സജീവമാ
യിരുന്ന 'കാസിംക്ക' എന്ന പി.എം കാസിമിനെ ഓര്‍ത്തെടുക്കുകയാണ് ലേഖകന്‍.

ഉന്നത വിദ്യാഭ്യാസ മേഖലയില്‍ ആര്‍.എസ്.എസുകാരെ നിയമിക്കുന്നതിനെതിരെ സമാജ്‌വാദി പാര്‍ട്ടി നേതാവ് രാംജിലാല്‍ സുമന്‍ ജൂലൈ 31-ന് രാജ്യസഭയില്‍ പ്രസംഗിച്ചിരുന്നു. രൂക്ഷമായ ഭാഷയിലാണ് രാജ്യസഭാ ചെയര്‍മാനും ഉപരാഷ്ട്രപതിയുമായ ജഗ്ദീപ് ധന്‍കര്‍ ഇതിനോട് പ്രതികരിച്ചത്. ആര്‍.എസ്.എസിനെ അദ്ദേഹം മഹത്വവല്‍ക്കരിച്ചാണ് സംസാരിച്ചത്. ഈ പശ്ചാത്തലത്തില്‍ ഭരണഘടനയുടെ പരിശുദ്ധി നഷ്ടപ്പെടുത്തുകയാണ് പ്രതികരണത്തിലൂടെ ഉപരാഷ്ട്രപതിയെന്ന് സ്ഥാപിച്ച് ആര്‍.എസ്.എസിന്റെ യഥാര്‍ത്ഥമുഖം വെളിവാക്കുകയാണ് പ്രസിദ്ധ രാഷ്ട്രതന്ത്ര ചിന്തകന്‍ ഷംസുല്‍ ഇസ്‌ലാം. കൗ@ര്‍ കറ@് പ്രസിദ്ധീകരിച്ച തുറന്ന കത്തിന്റെ വിവര്‍ത്തനം.

മത ന്യൂനപക്ഷങ്ങളെ ഹിന്ദുത്വ ദേശീയത അംഗീകരിക്കുന്നില്ല. ന്യൂനപക്ഷാവകാശങ്ങളെ ഏതുവിധേനയും ഹനിക്കാനാണ് സംഘപരിവാര്‍ ഭരണകൂടത്തിന്റെ ശ്രമം. ഇസ്‌ലാമിക വിശ്വാസമനുസരിച്ച് ജീവിക്കാന്‍ ഭരണഘടന നല്‍കുന്ന സ്വാതന്ത്ര്യമുണ്ട്. അതിനെതിരാണ് 2024 ഓഗസ്റ്റ് 8-ന് പാര്‍ലമെന്റില്‍ അവതരിപ്പിച്ച വഖ്ഫ് ഭേദഗതി. എന്താണ് വഖ്ഫ് ഭേദഗതിയിലൂടെ മോദി ഭരണകൂടം ആഗ്രഹിക്കുന്നതെന്ന് അന്വേഷിക്കുകയാണ് ഈ സംവാദത്തിലൂടെ പ്രമുഖ അഭിഭാഷകനും നോവലിസ്റ്റുമായ ലേഖകന്‍.

ആദിവാസി ജനതയുടെ ജീവിതത്തോട് ഇഴുകിച്ചേര്‍ന്ന് അവരുടെ സ്വപ്നങ്ങള്‍ക്ക് കൂടുതല്‍ നിറംനല്‍കിയ ജനകീയ സാംസ്‌കാരിക പ്രവര്‍ത്തകനായിരുന്നു കെ.ജെ ബേബി. കേരളം ശീലിച്ചുവന്ന വിദ്യാഭ്യാസ സമ്പ്രദായത്തിന് ബദലന്വേഷണവുമായി ആദിവാസിക്കുട്ടികള്‍ക്ക് പുതിയ വിദ്യാഭ്യാസ പദ്ധതിയുമായാണ് ബേബി വയനാട്ടില്‍ 'കനവ്' ആരംഭിച്ചത്. പിന്നീട് കനവ് വളര്‍ന്നു. ഒടുവില്‍ ആദിവാസിക്കുട്ടികള്‍ക്ക് തന്നെ കനവ് വിട്ടുകൊടുത്ത് ബേബി മറ്റന്വേഷണങ്ങളില്‍ മുഴുകി. അതിനിടെ ആകസ്മികമായാണ് അദ്ദേഹം 2024 സെപ്തംബര്‍ 1ന് ജീവിതത്തില്‍ നിന്ന് സ്വയം പടിയിറങ്ങിപ്പോയത്. ബേബിയുടെ ജീവിതയാത്ര അനുസ്മരിക്കുകയാണ് മാധ്യമ പ്രവര്‍ത്തകനായ ലേഖകന്‍. 

ആദ്യമായി എഴുതാന്‍ ഉപയോഗിച്ച പേനയും അതിന്റെ എഴുത്തനുഭവവും ഇളനീര്‍ മധുരത്തിന്റെ ഓര്‍മയാണ്. പേനകള്‍ക്ക് നീണ്ട സേവനത്തിന്റെ നിറവാര്‍ന്ന കഥകള്‍ പറയാനുണ്ടാകും. സ്വപ്നങ്ങളും ഭാവനകളും ദു:ഖഭാരവും പ്രണയവുമെല്ലാം വാര്‍ന്നുവീണത് ആരിലൂടെയാണെന്ന് നമുക്കറിയാം. കല്ലുപെന്‍സിലില്‍നിന്നും തുടങ്ങുന്ന പേനയുടെ സവിശേഷമായ സ്ഥാനങ്ങളെയും വികാരങ്ങളെയും ആത്മാവില്‍ ചേര്‍ത്തുനിര്‍ത്തുന്ന അതിമനോഹരമായ ആഖ്യാനത്തിന് നാന്ദി കുറിക്കുകയാണ് കഥാകാരനും നോവലിസ്റ്റുമായ ലേഖകന്‍.

ബംഗ്ലാദേശ് രാഷ്ട്രീയത്തിലെ പുതിയ ഉള്‍പ്പിരിവുകള്‍ക്കും പ്രതിഫലനങ്ങള്‍ക്കും ആഭ്യന്തര അതിര്‍ത്തികളെ മുറിച്ചുകടക്കാന്‍ ശേഷിയുണ്ടെന്ന് നിരീക്ഷിക്കുകയാണ് കേരള സര്‍വകലാശാല ഇസ്‌ലാമിക് ആന്റ് വെസ്റ്റ് ഏഷ്യന്‍ സ്റ്റഡീസിലെ അസിസ്റ്റന്റ് പ്രഫസര്‍ രാജീവന്‍ കുന്നത്തും ജെ.എന്‍.യു.വിലെ സ്‌കൂള്‍ ഓഫ് ലോ ആന്റ് ഗവര്‍ണന്‍സ് 
ഗവേഷകനുമായ ഉമേഷ് ഓമനക്കുട്ടനും.



വിദ്യാഭ്യാസത്തിന്റെ യഥാര്‍ത്ഥ ലക്ഷ്യം എന്തെന്ന് മനസ്സിലാക്കാതെ പരിഷ്‌കാരങ്ങള്‍ നടപ്പിലാക്കുമ്പോള്‍ ഒരു തലമുറയുടെ സ്വപ്നങ്ങളും ജീവിത ലക്ഷ്യങ്ങളുമാണ് അട്ടിമറിക്കപ്പെടുന്നത്. കേരളത്തിലെ വിദ്യാഭ്യാസരംഗത്തെ പുതിയ പരിഷ്‌കാരങ്ങള്‍ ഉയര്‍ത്തുന്ന നൈതികതയെക്കുറിച്ച് ചില നിരീക്ഷണങ്ങള്‍ അവതരിപ്പിക്കുകയാണ് അധ്യാപകനും സംസ്ഥാന കരിക്കുലം കമ്മിറ്റി മുന്‍ അംഗവുമായ ലേഖകന്‍.


ചരിത്രത്തിലെ ഏറ്റവും വലിയ ആള്‍നാശവും പ്രകൃതിനാശവുമാണ് വയനാട്ടിലെ ഉരുള്‍പൊട്ടലില്‍ ഉണ്ടായത്. ദുരന്തത്തിന്റെ കാരണം സംബന്ധിച്ച് വികസന മൗലികവാദികളും പരിസ്ഥിതി സംരക്ഷകരും വിദഗ്ധരും ഉള്‍പ്പെടെ നിരവധിപേര്‍ ചേരിതിരിഞ്ഞ് വാദങ്ങള്‍ ഉന്നയിക്കുകയാണ്.  എന്നാല്‍ ഇതില്‍ നിന്ന് വ്യത്യസ്തമായി ഉരുള്‍പൊട്ടലിന്റെ ആഘാതം ലഘൂകരിക്കാന്‍ എന്ത് സമീപനമാണ് സ്വീകരിക്കേണ്ടത് എന്ന് നിര്‍ദേശിക്കുന്നു കേരള ഫോറസ്റ്റ് റിസര്‍ച്ച് ഇന്‍സ്റ്റിറ്റിയൂട്ടിലെ ഫോറസ്റ്റ് എന്റൊമോളജി ചീഫ് സയന്റിസ്റ്റായ ലേഖകന്‍.

പ്രകൃതിയെ സ്‌നേഹിക്കുന്നവര്‍ നല്‍കുന്ന മുന്നറിയിപ്പുകള്‍ അവഗണിക്കുന്ന ഭരണകൂടങ്ങള്‍ക്ക് പ്രകൃതി തന്നെ നല്‍കുന്ന പാഠങ്ങള്‍ പക്ഷേ ഭയാനകമായിരിക്കും. അതാണ് മുണ്ടക്കൈയിലെയും പരിസരങ്ങളിലെയും ഉരുള്‍ പൊട്ടല്‍ കാണിക്കുന്നത്. കേരളം കണ്ട ഏറ്റവും വലിയ ആള്‍നാശമാണ് വയനാട്ടിലുണ്ടായത്. 2024 ആഗസ്റ്റ് 1 ലെ കണക്ക്പ്രകാരം 291 പേരാണ് മരിച്ചത്. 277 പേര്‍ കാണാമറയത്താണ്. ലോകത്തെ സങ്കടക്കടലിലാക്കിയ ഉരുള്‍പൊട്ടലിന്റെ പശ്ചാത്തലവും സംഭവങ്ങളും വിശദമാക്കുകയാണ് വയനാട് സ്വദേശിയും മുതിര്‍ന്ന മാധ്യമ പ്രവര്‍ത്തകനുമായ ലേഖകന്‍.

മൃതിയുടെ രൂക്ഷഗന്ധം പേറുകയാണ് ഫലസ്തീന്‍ തെരുവുകള്‍. ഇസ്രാഈലി പട്ടാളക്കാര്‍ക്ക് വിരസതയേറുമ്പോള്‍ അവര്‍ വെടിവെയ്ക്കുന്നത് ഫലസ്തീന്‍ ജനതയുടെ നെഞ്ചിലേക്കാണ്. അന്താരാഷ്ട്ര യുദ്ധ നിയമങ്ങളും വെടിവെയ്പ്പിന്റെ നിയമങ്ങളുമെല്ലാം ഇവിടെ കുഴിച്ചുമൂടിയിരിക്കുന്നു. നിസ്സഹായരായ സ്ത്രീകളും കുട്ടികളും ഉള്‍പ്പെടെ എല്ലാവരും വെടിച്ചില്ലുകള്‍ക്കിരയാവുന്നു. ഇസ്രാഈല്‍ പട്ടാളക്കാരുടെ മുഖത്തേക്ക് നോക്കിയാല്‍പ്പോലും ക്രൂരമായി കൊല്ലുന്നു. ജന്മനാട്ടില്‍ മരണം വിധിക്കപ്പെടുന്ന ജനതയുടെ ദുരന്ത ചിത്രങ്ങളുടെ നേര്‍ക്കാഴ്ചയാണ് ഈ ലേഖനം.

എത്രയെത്ര പട്ടാളക്കാരാണ് ഓരോ വര്‍ഷവും പെന്‍ഷനായും പരിക്കുപറ്റിയും വിടപറയുന്നത്. 
രാഷ്ട്രത്തിനുവേണ്ടി വിയര്‍പ്പും ചോരയും ഒഴുക്കിയ അവരുടെയൊക്കെ ഫോട്ടോകള്‍ ഏതു 
ചുമരിലാണ് കൊളുത്തിയിടേണ്ടത്്? 
-പ്രമുഖ എഴുത്തുകാരന്റെ വേറിട്ട അനുഭവാഖ്യാനം.


ഞങ്ങളിപ്പോഴും പ്രതിപക്ഷത്ത് തന്നെയാണ്. എനിക്കത് അറിയാം. 
പ്രതിപക്ഷമാണ് എന്നതില്‍ ഞാന്‍ സന്തോഷിക്കുന്നു. കാരണം, ഞങ്ങള്‍ക്കത് അധികാരത്തേക്കാള്‍ വലുതാണ്. അതില്‍ സത്യമുണ്ട്. നിങ്ങളെ സംബന്ധിച്ചിടത്തോളം, അധികാരം മാത്രമാണ് വേണ്ടത്. അതു മാത്രമാണ് നിങ്ങള്‍ക്ക് ആവശ്യമുള്ളത്. പക്ഷേ, ഞങ്ങളുടെ ഭാഗത്ത് സത്യമുണ്ട്. -പതിനെട്ടാം പാര്‍ലമെന്റ് സമ്മേളനത്തില്‍ രാഷ്ട്രപതിയുടെ പ്രസംഗത്തിന്മേല്‍ നന്ദിപ്രമേയ ചര്‍ച്ചയില്‍ പങ്കെടുത്ത് പ്രതിപക്ഷനേതാവ് രാഹുല്‍ ഗാന്ധി നടത്തിയ സുദീര്‍ഘമായ പ്രസംഗത്തിന്റെ പൂര്‍ണരൂപം.

മനുഷ്യാവകാശപ്രവര്‍ത്തകന്‍ ഡോ. ഷെയ്ഖ് ഷൗക്കത്ത് ഹുസൈനും അരുന്ധതി റോയിക്കും എതിരെ യു.എ.പി.എ ചുമത്തി ജയിലിലിടാന്‍ ഭര  ണകൂടനീക്കം ശക്തമാണ്. ഈ സാഹചര്യത്തില്‍ ഭീമ കൊറേഗാവ് കേസിനെക്കുറിച്ചും അതില്‍പെടുത്തി ജയിലിലടക്കപ്പെട്ട ഇന്ത്യയിലെ ബൗദ്ധിക പ്രതിപക്ഷങ്ങളെക്കുറിച്ചും സമഗ്രമായി വിശകലനം ചെയ്യുന്ന അല്‍പാ ഷായുടെ ഏറ്റവും പുതിയ പുസ്തകത്തിന്-The Incarcerations: BK-16 & the search for Democracy in India- വലിയ പ്രസക്തി കൈവന്നിരിക്കയാണ്. ആര്‍.ജെ.ഡി എം.പി പ്രഫ. മനോജ്കുമാര്‍ ഝാ പ്രസ്തുത പുസ്തകം പതിനെട്ടാം പാര്‍ലമെന്റ് സമ്മേളനത്തില്‍ ഉയര്‍ത്തിക്കാട്ടിയിരുന്നു. ഒരു ഭരണകൂടം അതിന്റെ എല്ലാ കപടതകളോടും ക്രൂരതകളോടും കൂടി രാജ്യത്തെ വിമത ശബ്ദങ്ങളെ അടിച്ചമര്‍ത്താന്‍ ആസൂത്രണം ചെയ്ത പദ്ധതിയായിരുന്നു ഭീമ കൊറേഗാവ് കേസ്. കേസിള്‍ ഉള്‍പ്പെട്ട പതിനാറ് മഹത് വ്യക്തികളെക്കുറിച്ച് വിശദമായിത്തന്നെ പുസ്തകത്തിലുണ്ട്. അതിലൊരാളാണ് ട്രേഡ് യൂണിയന്‍ പ്രവര്‍ത്തകയും അഭിഭാഷകയുമായ സുധാ ഭരദ്വാജ്. അവരുടെ ജീവിതത്തെ പരിചയപ്പെടുത്തുകയാണ് ആക്ടിവിസ്റ്റും എഴുത്തുകാരനുമായ ലേഖകന്‍.

വിവിധ രാജ്യങ്ങളിലെ അമേരിക്കന്‍ എംബസികള്‍ നടത്തിയ ചാരപ്രവര്‍ത്തനങ്ങളും എംബസി ഉദ്യോഗസ്ഥര്‍ സമര്‍പ്പിച്ച രേഖകളും ഉള്‍പ്പെടെ ലോകത്തെ നടുക്കിയ നിരവധി വാര്‍ത്തകള്‍ പുറത്തുവിട്ട മാധ്യമ സ്ഥാപനമായിരുന്നു 2006ല്‍ ജൂലിയന്‍ അസാന്‍ജെ സ്ഥാപിച്ച വിക്കിലീക്‌സ്. ഇത്തരം വാര്‍ത്തകള്‍ പ്രസിദ്ധീകരിച്ചതിന്റെ പേരില്‍ അസാന്‍ജെ 14 വര്‍ഷത്തോളമായി വിവിധ രീതിയില്‍ പീഡനങ്ങള്‍ ഏറ്റുവാങ്ങുകയാണ്. അഞ്ചു വര്‍ഷത്തിനുമീതെയായി ബ്രിട്ടനിലെ ഇടുങ്ങിയ ബെല്‍മാഷ് ജയിലില്‍ കടുത്ത ശിക്ഷ അനുഭവിക്കുകയായിരുന്നു അസാന്‍ജെ. ഒടുവില്‍ 2024 ജൂണ്‍ 24ന് അദ്ദേഹം ജയില്‍ മോചിതനായി. ഭരണകൂടത്തിന്റെ ജനാധിപത്യവിരുദ്ധതയെ ധീരമായി തുറന്നുകാട്ടുന്ന ജൂലിയന്‍ അസാന്‍ജെ ഉള്‍പ്പെടെ വിസില്‍ ബ്ലോവര്‍മാരുടെ പ്രവര്‍ത്തന ങ്ങളെ വിലയിരുത്തുകയാണ്. ലേഖകന്‍.


അധിനിവേശവിരുദ്ധ പോരാട്ട ചരിത്രത്തില്‍ കേരളത്തിന്റെ വലിയ സംഭാവനയാണ് ശൈഖ് സൈനുദ്ദീന്‍ മഖ്ദൂം എഴുതിയ 'തുഹ്ഫത്തുല്‍ മുജാഹിദീന്‍' എന്ന ചരിത്രഗ്രന്ഥം. മത പ്രബോധകനും പണ്ഡിതനുമായി ജീവിക്കുന്ന ഒരാളെ സംബന്ധിച്ചിടത്തോളം സാംസ്‌കാരിക ഇടപെടലുകള്‍ അദ്ദേഹത്തിന്റെ ഇസ്‌ലാമിക ജീവിതത്തിന് പുറത്തെ ദൗത്യമല്ല. ഈയൊരു സവിശേഷതയാണ് മഖ്ദൂമിനെപോലുള്ള പണ്ഡിതന്മാരെ ജൈവബുദ്ധിജീവികളാക്കി നിലനിര്‍ത്തുന്നത്. 

പൗരത്വഭേദഗതി ബില്ല് ഉള്‍പ്പെടെ ഇന്ത്യന്‍ ന്യൂനപക്ഷത്തെ പ്രതിസന്ധിയിലാക്കുന്ന നിരവധി വിഷയങ്ങളില്‍ കാതലായ ഇടപെടല്‍ നടത്തിയ മുന്‍ എം.പിയും ഇന്ത്യന്‍ യൂണിയന്‍ മുസ്‌ലിം ലീഗിന്റെ ദേശീയ നേതാവുമായ ഇ.ടി മുഹമ്മദ് ബഷീര്‍ വീണ്ടും പാര്‍ലമെന്റിലേക്ക് തിരഞ്ഞെടുക്കപ്പെട്ടിരിക്കയാണ്. അദ്ദേഹം ഇന്ത്യയിലെ ലോക്‌സഭാ തിരഞ്ഞെടുപ്പ് ഫലത്തെക്കുറിച്ച് വിലയിരുത്തുന്നു.
----


'ബി.ജെ.പിയുടെ ഹിന്ദുത്വ പ്രത്യയശാസ്ത്രത്തിന് അനുസരിച്ച് ഇന്ത്യയെ 
പുനര്‍നിര്‍മിക്കുന്നതില്‍ കഴിഞ്ഞ ഒരു ദശകമായി താക്കോല്‍ സ്ഥാനത്ത് പ്രവര്‍ത്തിച്ച വ്യക്തിയാണ് അമിത് ഷാ.'
നരേന്ദ്രമോദിയുടെ നേതൃത്വത്തില്‍ ഇന്ത്യയില്‍ സംഘപരിവാര്‍ ഭരണം അപ്രമാദിത്വം പ്രകടിപ്പിക്കുമ്പോള്‍ അതിന്റെയെല്ലാം കുത്സിതബുദ്ധികേന്ദ്രം മോദിയുടെ 
വിശ്വസ്തനും ആഭ്യന്തരമന്ത്രിയും ബി.ജെ.പി മുന്‍ പ്രസിഡന്റുമായ അമിത് ഷായാണ്. 
ഈ അന്വേഷണ റിപ്പോര്‍ട്ടിന്റെ ഭാഗമാണ് ദി ഗാര്‍ഡിയനില്‍ അതുല്‍ദേവ് എഴുതിയ അമിത്ഷായുടെ ദീര്‍ഘ പ്രൊഫൈല്‍. ദി കാരവന്‍, ദി ന്യൂയോര്‍ക്ക് റിവ്യൂ ഓഫ് ബുക്‌സ്, അറ്റ്‌ലാന്റിക്ക് എന്നിവ ഉള്‍പ്പെടെ നിരവധി പ്രസിദ്ധീകരണങ്ങളില്‍ 
നേരത്തെ മികച്ച റിപ്പോര്‍ട്ടുകള്‍ പ്രസിദ്ധീകരിച്ചിരുന്ന 
മാധ്യമപ്രവര്‍ത്തകനാണ് രാജസ്ഥാന്‍ സ്വദേശിയായ അതുല്‍ ദേവ്.



നരേന്ദ്രമോദി ഭരണകൂടം പത്തുവര്‍ഷമാണ് മാവോയിസ്റ്റ് ബന്ധം ആരോപിച്ച് യു.എ.പി.എ നിയമപ്രകാരം പ്രഫ. ജി.എം സായിബാബയെ ജയിലിലടച്ചത്. ഒടുവില്‍ സുപ്രീംകോടതി അദ്ദേഹത്തിന്റെ അറസ്റ്റും ജയില്‍വാസവും നീതിനിഷേധമാണെന്ന് ചൂണ്ടിക്കാട്ടി. ചൈനീസ് ഫണ്ട് സ്വീകരിച്ചു എന്ന ആരോപണം ഉന്നയിച്ചാണ് 'ന്യൂസ് ക്ലിക്കി'ന്റെ പത്രാധിപര്‍ പ്രഭീര്‍ പുര്‍കായസ്ഥയെ ജയിലില്‍ അടച്ചത്. ചുമത്തപ്പെട്ട കുറ്റം എന്താണെന്ന് വ്യക്തമാക്കാതെ മാസങ്ങളോളം ജയിലിലടച്ചത് നീതി നിഷേധമാണെന്ന് സുപ്രീംകോടതി ഈ കേസിലും വിലയിരുത്തി കോടതി വിധികളുടെ പശ്ചാത്തലത്തില്‍ ഇന്ത്യന്‍ ജനാധിപത്യത്തിന്റെ അവസ്ഥ വിശകലനം ചെയ്യുകയാണ് നവമാധ്യമ വിദഗ്ധനും സാമൂഹിക നിരീക്ഷകനുമായ ലേഖകന്‍.

Chandrika Weekly  Cover - 2024 December 19 Edition

2024 December 19

Chandrika Weekly  - 2024 December 19

Chandrika Weekly  Cover - 2024 December 12 Edition

2024 December 12

Chandrika Weekly  - 2024 December 12

Chandrika Weekly  Cover - 2024 December 5 Edition

2024 December 5

Chandrika Weekly  - 2024 December 5

Chandrika Weekly  Cover - 2024 November 28 Edition

2024 November 28

Chandrika Weekly  - 2024 November 28

Chandrika Weekly  Cover - 2024 November 21 Edition

2024 November 21

Chandrika Weekly  - 2024 November 21

Chandrika Weekly  Cover - 2024 November 14 Edition

2024 November 14

Chandrika Weekly  - 2024 November 14

Chandrika Weekly  Cover - 2024 November 7 Edition

2024 November 7

Chandrika Weekly  - 2024 November 7

Chandrika Weekly  Cover - 2024 October 31 Edition

2024 October 31

Chandrika Weekly  - 2024 October 31

Chandrika Weekly  Cover - 2024 October 24 Edition

2024 October 24

Chandrika Weekly  - 2024 October 24

Chandrika Weekly  Cover - 2024 October 17 Edition

2024 October 17

Chandrika Weekly  - 2024 October 17

Chandrika Weekly  Cover - 2024 October 10 Edition

2024 October 10

Chandrika Weekly  - 2024 October 10

Chandrika Weekly  Cover - 2024 October 3 Edition

2024 October 3

Chandrika Weekly  - 2024 October 3

Chandrika Weekly  Cover - 2024 September 26 Edition

2024 September 26

Chandrika Weekly  - 2024 September 26

Chandrika Weekly  Cover - 2024 September 19 Edition

2024 September 19

Chandrika Weekly  - 2024 September 19

Chandrika Weekly  Cover - 2024 September 12 Edition

2024 September 12

Chandrika Weekly  - 2024 September 12

Chandrika Weekly  Cover - 2024 September 5 Edition

2024 September 5

Chandrika Weekly  - 2024 September 5

A weekly magazine containing novels, stories, poems and articles on sociopolitical, art, culture

Onappathippu 2023

Download your favorite titles and read them offline, anytime and anywhere

Gift your loved ones with a Magzter Gift Card instantly and give them the freedom to read their favorite magazines and newspapers from thousands of best-selling titles.

Gift your loved ones with a Magzter Gift Card instantly and give them the freedom to read their favorite magazines from thousands of best-selling titles.

Gift your loved ones with a Magzter Gift Card instantly and give them the freedom to read their favorite magazines from {{magCount}}+ best-selling international titles.

Name

Please fill out this form if you need any help regarding publishing your content on Magzter

Since we launched, Magzter has been committed to partnering with global organizations to provide the greatest possible newsstand technology & service to our customers. Whether you are looking to offer magazine subscriptions to your customer database or just want to learn more, Magzter is committed to helping your business grow. To find out more, please fill out the questionnaire below:

Chandrika Weekly - 2024 December 12

Chandrika Weekly - 2024 December 12

In this issue

Chandrika Weekly Magazine Description: