ഇന്ത്യ-പാക് ടി20 പരമ്പര ജൂലായിൽ?

ന്യൂഡൽഹി: പാകിസ്ഥാനെതിരെ ഈ വർഷം ഇന്ത്യ ടി20 പരമ്പര കളിച്ചേക്കും. പാക് മാദ്ധ്യമങ്ങളാണ് ചരിത്ര പരമ്പര വരുന്നതായുള്ള റിപ്പോർട്ടുകളുമായി എത്തുന്നത്. എന്നാൽ ഇരു ക്രിക്കറ്റ് ബോർഡുകളും ഇക്കാര്യം ഔദ്യോഗികമായി സ്ഥിരീകരിച്ചിട്ടില്ല.

എട്ട് വർഷമായി ഇന്ത്യ-പാക് ഉഭയകക്ഷി ക്രിക്കറ്റ് പരമ്പര നടന്നിട്ട്. 2012-13ലെ പാകിസ്ഥാന്റെ ഇന്ത്യ പര്യടനമായിരുന്നു അവസാനത്തേത്. ടി20 പരമ്പര എന്ന മാദ്ധ്യമ വാർത്തകൾ ആദ്യം പാക് ക്രിക്കറ്റ് ബോർഡ് വൃത്തങ്ങൾ നിരസിച്ചെങ്കിലും , തങ്ങളോട് തയ്യാറായിരിക്കാൻ നിർദേശം വന്നതായി പിന്നീട് പ്രതികരിച്ചു.