ഹാട്രിക് കിരീടത്തിലേക്കുള്ള കുതിപ്പു തുടങ്ങി മാക്സ് വേർസ്റ്റപ്പൻ

 സീസണിലെ ആദ്യമത്സരത്തിൽ ഒന്നാമതെത്തി വേർസ്റ്റപ്പൻ. അലോൻസയിലൂടെ പോഡിയം നേടി ആസ്റ്റൺ മാർട്ടിൻ. അറിയാം പുതിയ സീസണിലെ ആവേശ പേരാട്ടങ്ങൾ...

- മധുസൂദനൻ കർത്താ

ഫോർമുല വൺ കാറോട്ട ചാംപ്യൻഷിപ്പിലെ ആദ്യ മത്സരത്തിൽ ബഹ്റൈനിൽ എതിരാളികളെ തീർത്തും നിഷ്പ്രഭനാക്കി റെഡ് ബുൾ താരം ഒന്നാമനായി ചെക്കേഡ് ഫ്ലാഗ് മറികടക്കുമ്പോൾ ഒരു കാര്യം ഉറപ്പായി, ഈ സീസണിലും റെഡ് ബുള്ളിനെ പിടിച്ചാൽ കിട്ടില്ലെന്ന്. ബഹ്റൈനിൽ വേർസ്റ്റപ്പനു പിന്നാലെ സഹതാരം സെർജിയോ പെരസ് രണ്ടാമനായതോടെ മറ്റു ടീമുകൾക്കു സീസൺ കടുപ്പമേറിയതാകുമെന്നും വ്യക്തം.

ഫെറാറിക്കു കാർ മികവിൽ മുന്നേറ്റമുണ്ടെങ്കിലും പോഡിയം അകന്നു നിൽക്കുന്നതു കഴിഞ്ഞ സീസണിന്റെ ആവർത്തനം തന്നെ. ഏഴുവട്ടം ചാംപ്യനായിട്ടും 2022ൽ ഒരു മത്സരം പോലും ജയിക്കാനാകാതെ പോയ ഹാമിൽട്ടന്റെ മെഴ്സിഡീസ് ഇത്തവണ കൂടുതൽ വിയർക്കേണ്ടി വരും. അതിനിടെ ആൺ മാർട്ടിനിലേറി പോഡിയത്തിലേക്കു കുതിച്ച് ഫെർണാണ്ടോ ലൊൻസോയുടെ വരവ് എതിരാളികൾക്കു ഭീഷണിയായേക്കും.

പോൾ ടു പോഡിയം